Anarâškielâ servi

Anarâškielâ servi lii ive 1986 vuáđudum sämiservi, mon toimâmpäikki lii Aanaar kieldâ, Laapi eennâmkoddeest. Seervi vuáđudemčuákkim tollui Avelist juovlâmáánu 4. peeivi Avveel-hooteel auditoriost. Seervi vuáđudemjesâneh lijjii Veikko Aikio, Ilmari Mattus já Matti Morottaja, kii väljejui seervi vuosmužžân saavâjođetteijen.

Anarâškielâ seervi logo

Seervi ulmen lii ovdediđ já nonniđ anarâškielâ. Servi algâttij ive 1997 kielâpiervâltooimâ. Kielâpiervâl lii lasettâm anarâškielâ sárnoi, eromâšávt párnái já nuorâi, mere.

Servi almostit Anarâš-loostâ já Anarâš aavis. Tolebáá servi meid kuástidij Kierâš-loostâ já Loostâš-lostii.

Palhâšume

Servi uážui tave-eennâmlâš Kollekielâ-palhâšume skammâmáánu 17. peeivi 2004.

Liiŋkah

• Anarâškielâ servi
• Anarâš-lostâ
• Anarâš aavis