Kielâpiervâl
Kielâpiervâl (māorikielân kōhanga reo, orjâlâškielân giellabeassi, nuorttâlâškielân ǩiõllpieʹss já juulevsämikielân giellabiesse) lii vuálá škovlâahasáid uáivildum peivikiäččusaje, kost párnááh uáppih ucceeblovokielâ. Kielâpiervâlprinsiip mield tipšooh sárnuh párnáid já koskânis tuše ucceeblovokielâ, mut pärni puáhtá kevttiđ västiddijnis eres-uv kielâ. Kielâpiervâl ulmen lii sirdeđ kielâ já kulttuur párnái kiellân. Kielâpiervâleh cegâttuvojeh kielâ iäláskittem tiet.
Maorih algâttii kielâpiervâltooimâ ive 1982 Aotearoast tondiet ko sii eenikielâ lappuuškuođij eŋgâlâškielâ vaiguttâs vyelni. Anarâškielâ lii iäláskittum kielâpiervâltoimáin ive 1997 rääjist.