Bashkim Fino

Bashkim Fino lindi më 12 tetor 1962 në Gjirokastër. Ishte Kryeministër i Shqipërisë prej 9 mars 1997 deri më 29 qershor 1997. Fino vdiq më 29 Mars 2021 nga COVID-19 në moshën 58 vjeç.

Bashkim Fino
Fino në vitin 1997
Deputet i Kuvendit të Shqipërisë
Në detyrë 1997 – 28 mars 2021
Kryeministër i Shqipërisë
Në detyrë 11 mars 1997 – 24 korrik 1997
Paraprirë nga	Aleksandër Meksi
Pasuar nga	Fatos Nano
Zëvendëskryeministri i Shqipërisë
Në detyrë 25 korrik 1997 – 23 prill 1998
Paraprirë nga	Tritan Shehu
Pasuar nga	Makbule Çeço
Ministri i Pushtetit Lokal
Në detyrë 28 nëntor 1999 – 6 shtator 2001
Paraprirë nga	Arben Demeti
Pasuar nga	Arben Imami
Ministri i Punëve Publike dhe Turizmit
Në detyrë 6 shtator 2001 – 29 janar 2002
Në detyrë 29 dhjetor 2003 – 1 shtator 2005
Kryetari i Bashkisë Gjirokastër
Në detyrë 1992–1996
Të dhëna vetjake
U lind më	12 tetor 1962 Gjirokastër
Vdiq më	29 mars 2021 Tiranë
Nënshtetësia	Shqiptar
Partia politike	PS
Arsimimi	Universiteti i Tiranës
Punësimi	Politikan
Nënshkrimi

Biografia

Ka pas kryer studimet e larta në Universitetin e Tiranës, Fakulteti Ekonomik, dega Financë. Gjithashtu ka kryer specializime për menaxhimin e pushtetit vendor në SHBA, Itali, Greqi e Finlandë. Kishte një karrierë të pasur profesionale në fushën ekonomike.

Karriera politike

Fino u zgjodh Kryetar i Bashkisë Gjirokastër, post të cilin e mbajti deri në vitin 1996.

Karriera e tij politike në Partinë Socialiste është e hershme. Prej vitit 1997 e deri në vdekjen e tij ishtë anëtar i Kryesisë së Partisë Socialiste. Kulmi i karrierës së tij do të shënohej në vitin 1997, ku do të zgjidhej Kryeministër i vendit në qeverinë e Pajtimit Kombëtar, post që do ta mbante nga muaji mars deri në korrik. Fino ka mbajtur disa poste ministrore. Nga vitit 1997 deri në 1998 ushtroi detyrën e Ministrit të Pushtetit Lokal, njëkohësisht dhe Zv/kryeministër. Në 1999 deri në vitin 2001 do të ishte ministër i pushtetit lokal. Gjatë viteve 2001-2002 ka qenë Ministër i Punëve Publike dhe Turizmit. Ndërsa në periudhën 2004-200, Ministër i Rregullimit të Territorit dhe Turizmit.