Makaronat

  Makaronat ose pasta (italisht: pasta) është një lloj ushqimi i bërë me brum gruri pa maja të miksuar me ujë ose vezë dhe të sjellë në formë petësh ose formash të tjera pastaj të gatuar duke e zier ose pjekur. Pasta dikur bëhej vetëm me durum megjithëse përkufizimi është zgjeruar për të përfshirë edhe mielin e orizit, ose bishtajat si fasule ose thjerrëza. Nudëllat e kanë origjinën në Kinë ndërsa pastat mendohet se janë zhvilluar në mënyrë të pavarur në Itali me dëshmi të etruskëve që bënin pasta aq herët sa viti 400 para Krishtit.

Lloje të ndryshme të pastave

Makaronat ndahen në dy kategori të gjera: të thata ( italisht: pasta secca) dhe të freskëta (italisht: pasta fresca ). Shumica e pastave të thata prodhohen komercialisht nëpërmjet një procesi nxjerrjeje, megjithëse mund të prodhohen në shtëpi. Makaronat e freskëta prodhohen tradicionalisht me dorë, ndonjëherë me ndihmën e makinerive të thjeshta. Makaronat e freskëta të gatshme në dyqanet ushqimore prodhohen komercialisht nga makineri në shkallë të gjerë.

Si makaronat e thata ashtu edhe ato të freskëta vijnë në një sërë formash dhe varietetesh, me 310 forma specifike të njohura nga mbi 1300 emra të dokumentuar.

Për sa i përket vlerave ushqyese, makaronat e thjeshta të gatuara përmbajnë 31% karbohidrate (kryesisht niseshte ), 6% proteina dhe pak yndyrë, me sasi të moderuar mangani, por makaronat në përgjithësi kanë përmbajtje të ulët mikronutrientësh . Makaronat mund të pasurohen ose të fortifikohen, ose të bëhen nga drithëra të plota .