faqe

FAQE f.

1. Secila nga dy pjesët anësore të fytyrës së njeriut nga syri deri te nofulla e poshtme dhe nga hunda deri te veshi; secila nga dy anët e turirit të kafshëve. Me faqe të kuqe (të fryra, të fishkura). Mollëzat e faqeve. Me nishan në faqe. Laj faqet. Iu skuqën faqet. E puthi në faqe.

2. bised. Pjesa e përparme e fytyrës së njeriut; fytyrë; çehre. Me faqe nga lindja. I ktheu faqen. Mori tjetër faqe. E ndërroi faqen. S'ka vënë (s'ka shkuar) brisk në faqe është ende i ri e pa përvojë.

3. Secila nga anët e një sendi; sipërfaqja anësore e diçkaje; pjesa e përparme e kryesore e një ndërtese, e një sendi etj., pjesa që duket, ballë; parëse. Faqja e përparme (e pasme, e jashtme, e brendshme). Faqe anësore. Faqe muri. Faqet e enës. Faqet e pusit. Faqja e shtëpisë. Faqja e çatisë. Faqe mali (kodre). Faqet e kubit (e piramidës). gjeom. I marr faqet trungut e gdhend anash, faqoj.

4. Secila nga dy anët e fletës së një fletoreje, të një libri etj.; ajo që është shkruar në secilën anë të fletës. Faqja e parë (e fundit). Faqe e shkruar (e bardhë). Faqja letrare (shkencore) e revistës. Faqe fletoreje (libri. reviste, gazete). Numri i faqeve. Faqe për faqe në çdo faqe me radhë. Në krye (në fillin, në fund) të faqes. Kthej (palos) faqen.

5. bised. Sipërfaqe. Faqja e detit (e ujit).

6. edhe fig. Tërësia e tipareve të jashtme të diçkaje, pamje; fytyrë. Ia ndërroi (ia ndryshoi) faqen vendit.

7. Këllëf dysheku a jastëku. Faqe dysheku (jastëku). I bëj faqe të re. I shtie faqen.

8. bised. Periudhë kohe sa zgjat një vit; periudhë kohe aq sa jeton një njeri; brez. Një faqe njeriu. Faqe pas faqeje.

9. Shtresë. Bakllava me dy faqe arrash.

10. fig. libr. Pjesë nga jeta e një njeriu ose nga historia e një populli, e një kombi, e një vendi etj.; epokë. Faqe e lavdishme (e ndritur, e shkëlqyer) e historisë së popullit tonë. Hap një faqe të re.

11. fig. Nder; cipë. Ka faqe ai. S'i mbeti faqe.

• Në faqe të dikujt para dikujt, në prani a në sy të dikujt, faqeza dikujt. Faqe për faqe ballë për ballë, përballë. Faqe me faqe me fytyrë shumë pranë njëri-tjetrit, ngjitur. Faqja e bardhë shih te BARDHË (i,e). Faqja e zezë shih te ZI (i), ZEZË (e). Me faqe të bardhë shih te BARDHË (i,e). Me faqe të zezë shih te ZI (i), ZEZË (e). Për faqe të zezë shih te ZI (i). ZEZË (e). Doli në faqe

a) u duk, u shfaq, doli në shteg;

b) ia arriti qëllimit, ia doli në krye. I doli në faqe i shkoi (i vajti) mbarë (puna). Me dy faqe (me dy fytyra) shih te FYTYR/Ë,~A. Me faqe në dhe (përdhe) me turp; i turpëruar. Dha faqe u shtrembërua, lëshoi bark (për murin). Jep faqe

a) fillon e thahet;

b) fillon të piqet, përshenjet (për pemët);

c) vë cipë përsipër, fillon të skuqet (për bukën në furrë etj.). I dha një faqe

a) e skuqi palë pranë zjarrit (për bukën etj. kur piqet në furrë, për bukën kur theket etj.);

b) e gdhendi, e bëri me faqe, e faqoi (një dru). Morri jep faqe! mos e përkrah, mos i jep zemër, mos ia ushqe fjalën, mos ia hap syrin; mos e llasto. Me lot në faqe shih te LOT,~I. Mori faqe

a) u skuq ca përsipër (për bukën, mishin etj. kur e futim në furrë);

b) u tha, zuri një kore të hollë nga thatësira (për tokën). I morën faqen (nuses) ia hoqën pushin në fytyrë (zakonisht një ditë përpara martesës). Mësallë me dy faqe shih te MËSALL/Ë,~A. S'i nxihet faqja (fytyra) shih te NXIHEM. Ia nxiu faqen (fytyrën) shih te NXIJ. E nxori në faqe diçka e kreu, arriti të bëjë diçka, e nxori në dritë. I pëlcasin faqet është shumë i shëndoshë. S'i skuqet faqja (fytyra) shih te SKUQEM. Sa për sy (sa për faqe) të botës shih te SY,~RI. Sa për sy e faqe shih te SY,~RI. Nuk e vë për faqe nuk e mendon mirë një punë para se ta kryejë, nuk e peshon mirë. Ia zbardhi faqen (fytyrën) shih te ZBARDH 5. Ia zheu faqen shih te ZHYEJ. I është bërë faqja shollë shih te SHOLL/Ë, ~A. Doli me faqe të bardhë shih te BARDHË (i,e). Nuk i hedh pluhur faqes shih te PLUHUR, ~ I. Ka cipë (nder) në faqe shih te CIP/Ë, ~A 4. I ka dalë (i ka mbirë) bari në faqe (në sy) shih te BAR,~I I. Paç faqen e bardhë! ur. shih te BARDHË (i,e). Paç faqen e zezë! mallk. shih te ZI (i), ZEZË (e). E kam faqen të larë shih te LARË (i, e). Ka gjak në faqe (në fytyrë) shih te GJAK,~U. S'ka sy e faqe (me ç'sy e ç'faqe?) shih te SY, ~RI. Ishte me pushkë në faqe shih te PUSHK/Ë,~A. Ta lë pushkën në faqe shih te PUSHK/Ë,~A. S'i la sy e faqe shih te SY,~RI. S'i mbeti (s'i ngeli)sy e faqe shih te SY, ~RI. E priti me pushkë në faqe dikë e priti me krahë hapur e me të gjitha të mirat, e priti si një mik të nderuar. E zhduku (e shoi, e fshiu) nga faqja e dheut e zhduku krejt, e shkatërroi me themel e me rrënjë, e asgjësoi, e shfarosi. Këmbët e lehta e faqja e bardhë shih te LEHTË (i, e). Të puth halla në të dy faqet thjeshtligj. iron. shih te HALL/Ë,~A. Njëra dorë lan tjetrën, të dyja lajnë faqet (fytyrën) fj. u. shih te DOR/Ë,~A. Faqe e gjallë shtypshkr. faqe e radhitur, ku shënohet në krye autori dhe titulli i veprës a i artikullit. Faqe mbrojtëse shtypshkr. fletë dyshe me palosje, që shërben për bashkimin e bllokut të librit me kapakët.