Madagaskar

Repoblikan’i Madagasikara (Malagasy) République de Madagascar(Frantsöösk) Republic of Madagascar(Ängelsk) Woalspruch: Tanindrazana, Fahafahana, Fandrosoana Nationoalhymne: Ry Tanindrazanay Malala ô Amtssproake Malagasy, Frantsöösk, Ängelsk Haudstääd Antananarivo Stoatsfoarm Republik Ienwoonere 19.400.000 (2008) Munte Ariary Tiedzone UTC +3 Fierdai Loundkode {{{Loundkode}}} Auto-Känteeken RM Internet TLD .mg Telefonfoarwoal +261

Dät Lound Madagaskar is n Ailound-Stoat un heert tou Afrikoa. Deer lieuwje 19,4 Millionen Moanskene ap dät Ailound.

Geografie

Madagaskar is dät fjoodgrootste Lound appe Waareld. Fon dät säntroale Deel ätter ju Aastkuuste wai wäd dät Ailound haager (800-1600 m.), un in disse Region sunt ferskeedene Bierge un uk Fulkane so as die Maromokotro (2886 m.). In dät Aasten faalt dät Hoochlound liekdeel un an ju Kuuste wai is dät Lound relativ flak. An ju Aastsiede faalt dät heele Jier fuul Rien, aal do uur Regione hääbe foarallen in Suumerdai fuul Rien.

Skichte

Dät Ailound wuude aleer fon Moanskene uut Suud-Asien besiedeld. In dät 16. Jierhunnert keemen do Portugiesen un Frantsosen an ju Kuuste. Madagaskar wuude 1896 ne frantsööske Kolonie. Touhoope mäd do uur frantsööske Kolonien in Afrikoa kreech Madadagaskar begränsede Autonomie, eerste in dät Jier 1960 wuude Madagaskar dan heel un aal uunouhongich fon Frankriek.

Demostration in Antananarivo in Januoar 2009

In 1975 wuude ju Macht truch n Putsch uurnuumen fon dät Militäär. Stoatsboas fon 1975 bit 1993 un fon 1996 bit 2002 tou waas Didier Ratsiraka. Do Präsidäntswoalen 2001 wuuden wonnen truch Oppositionsanfierder Marc Ravalomanana, die in 2002 dät Boantje uurnoom, un bie do Woalen fon 2006 wuude hie noch insen as Präsidänt köärd.

Fon dän 27. Januoar 2009 oun wuude juun ju Regierenge fon Ravalomanana protestiert, uumdät jo aan Kanoal fon dät Fiersjoon sluute wüül, die een Rääde fon dän foarige Präsident Ratsiraka uurdrain hiede. Die Uppermon fon do Protäste waas Andry Rajoelin, die Buurmääster fon Antananarivo, die uk die Oainer fon dän Kanoal waas. Hie ruup een nit-demokroatiske Juunregierenge uut, deer hie die Boas fon waas. Eerste saach dät so uut, as wan dät nit slumpje skuul, ap dän 6. Meerte moaste Rajoelin in ju frantsööske Boskup fluchtje. Man ap dän 10. Meerte uurnoom dät Militär ju Kontrolle un sätte Rajoelin sien Regierenge uurgongswiese an ju Macht. Ätter ju Köär in 2013 wude ap dän 25. Januoar 2014 Hery Rajaonarimampianina die näie Präsidänt fon Madagaskar.

Befoulkenge

Sowät 45 Prosänt fon ju Befoulkenge is kristelk, sowät 5 Prosänt sunt Muslime, die Rest honget traditionelle Religione an. Ju Befoulkenge bestound uut moorere Befoulkengsgruppen mäd ferskeedene stäärke malaiiske un afrikoanske Ienfloude.

Wirtskup

Ju Loundwirtskup lääwert foar dän Eksport Ries, Sukkerroor, Katuun, Koafje, Vanille, Krüüderäi, Sisal, Tebak un Kakao. In dät Wääste wäide Zebubäiste un Skäipe heelden. An Gruundskätte rakt et Chrom, Grafiet, Glimmer, Bauksit un Koole. Uk ju Tekstil-Industrie is wichtich foar dän Eksport. Do grootste Hoawen sunt Toamasina, Mahajanga un Antsiranana.