1098 – Perang Salib Kahiji: Pangepungan Marrotal Numan: Kaum Salib norobos bénténg kota sarta nelasan 20.000 pangeusina. Sanggeus béakkeun kadaharan, maranéhna jadi kanibal.
1781 – Perang Révolusionér Amérika: Patempuran Ushant Kadua: Armada laut Inggris dipingpin ku kapal HMS Victory ngéléhkeun armada laut Perancis.
1862 – Perang Sipil Amérika: Kapal USS Cairo tikelebuh di Leuwi Yazoo, jadi kapal nu maké palindung nu munggaran nu dilelepkeun ku ranjau kontrol.
1866 – Beledugan Oaks: Pangparah-parahna babancén tambang di Inggris, nelasan 361 panambang jeung nu narulungan.
1901 – Guglielmo Marconi nampa sinyal radio antar benua nu munggaran nyaéta hurup "S" [***] dina kode Morsé), di Pasir Sinyal di St John's, Newfoundland.
1925 – Majelis Iran ngistrénan Reza Khan minangka Shah Iran anyar, ngamimitian dinasti Pahlevi.
1941 – Adolf Hitler nyatakeun kudu sageuwat-geuwatna panumpuran urang Yahudi dina hiji pasamoan di Reich Chancellery (pasamoan para patinggi Nazi).
1942 – Perang Dunia II: Pasukan Jérman ngamimitian Operasi Badéy Usum Tiis, hiji usaha pikeun ngudaran kepungan pasukan Axis nalika Patempuran Stalingrad.
1963 – Kénya meunang kamerdékaan ti Karajaan Inggris.
1979 – Lini 8.2 Mw Tumaco ngeundeuk-ngeundeuk Kolombia jeung Ékuador ku inténsitas Mercalli maksimum IX (Kasar), nelasan 300-600 jalma sarta ngahasilkeun tsunami tohaga.
1984 – Maaouya Ould Sid'Ahmed Taya jadi présidén Mauritania katilu sabada kudéta ka Mohamed Khouna Ould Haidalla nalika Haidalla keur nyanyabaan.
1985 – Arrow Air Flight 1285, hiji pasawat McDonnell Douglas DC-8, ragrag sabada leupas landas ti Gander, Newfoundland, nelasan 256 jalma dina jero kapal, kaasup 236 anggota Divisi Airborne ka-101 Amérika Sarikat.
1991 – Féderasi Rusia narik diri tina Pasini Pangadegan USSR.
1992 – Lini 7,8 Mw disusul ku tsunami di Pulo Florés, saheunteuna 2.500 urang palastra, leuwih ti 500 tatu sarta kurang leuwih 90.000 jama leungiteun imahna.
2015 – Kasapukan Paris pakait jeung Konvénsi Rancangan Gawé ngeunaan Parobahan Iklim diadopsi.
