Basa Inggris

Basa Inggris (basa Inggris: English) nyaéta basa Jérmanik Kulon, nu asalna ti Inggris. Basa ieu mangrupa kombinasi antara sababaraha basa lokal nu dipaké ku urang Norwégia, Dénmark, Saxon jeung Angel ti abad ka-6 nepi ka-10. Dina taun 1066, ku sabab ditalukkeunana Inggris ku William the Conqueror, satuluyna basa Inggris kalayan kacida inténsifna mulai dipangaruhan ku basa Latén jeung basa Perancis. Tina sakabéh kosakecap basa Inggris modéren, diperkirakeun ±50% na asalna tina basa Perancis jeung Latén.

Basa Inggris
English language
Palapalan	/ˈɪŋɡlɪʃ/
Dipaké di	(tempo di handap)
Jumlah panyatur	360 yuta (2010)
Rungkun basa	Indo-Éropa Jérmanik Jérmanik Kulon Ingvaeonik Anglo–Frisia Anglik Basa Inggris
Aksara	Alfabét Latin (alfabét basa Inggris) Braille basa Inggris
Status resmi
Basa resmi di	54 nagara 27 éntitas teu ngadaulat Watara organisasi PBB Uni Eropa Nagara Pasumakmuran Déwan Eropa GUAM ICC IOC ISO NATO NAFTA OAS OECD OIC OKI OPEC PIF UKUSA
Diatur ku	Teu diatur kalawan resmi
Kode-kode basa
ISO 639-1	en
ISO 639-2	eng
ISO 639-3	eng

Sajarah basa Inggris

Tuwuhna basa Inggris biasa dibagi numutkeun tilu mangsa:

• Basa Inggris Kuna atawa basa Anglo-Saxon, taun 700 – 1066
• Basa Inggris Tengahan, antara taun 1066 – 1500
• Basa Inggris Anyar, mulai ti abad ka-16

Basa–basa sakulawarga

Basa Inggris kagolongkeun kana rungkun basa Jérmanik, utamana tina cabang Jérmanik Kulon. Kulawarga pangdeukeutna nyaéta basa Friesland. Lian ti éta, basa Walanda (kaasup ogé basa-basa Jérman hilir lianna) kaasup deukeut kénéh. Basa Jérman (Basa Jérman tonggoh) rada leuwih jauh deui.

Tapi ti sakabéh basa Jérmanik, basa Inggris mangrupa basa pangséjénna sacara tatabasa jeung kosakecap. Kosakecap basa Inggris loba dipangaruhan ku basa Perancis, nu asup ngaliwatan talukna bangsa Normal jeung satuluyna ngaliwatan pamakéan basa Perancis minangka basa resmi salila mangabad-abad di lingkungan pamaréntahan

Status basa

Basa Inggris nyaéta basa munggaran di Amérika Sarikat, Australia, Bahama, Barbados, Bermuda, Britania Raya, Guyana, Jamaika, Selandia Anyar, Antigua jeung Barbuda, Saint Kitts jeung Nevis sarta Trinidad jeung Tobago.

Lian ti éta basa Inggris ogé mangrupa salah sahiji basa resmi di sababaraha nagara, saperti di Afrika Kidul, Nigeria, Belize, Kanada, Hong Kong, Irlandia, Singapura jeung lianna.

Di dunya, basa Inggris mangrupa basa kadua munggaran nu diulik. Basa Inggris bisa sumebar alatan pangaruh pulitik jeung imperialismeu Inggris nu diteruskeun ku Britania Raya di dunya. Salah sahiji papatah Inggris jaman baheula ngeunaan karajaan Inggris nu katelah Imperium Britania (British Empire) nyaéta tempat "di mana panonpoé teu kungsi surup” (“where the sun never sets”).

Tempo ogé

• Sajarah basa Inggris

Tumbu luar

• (en) Laporan Ethnologue - bahasa Inggris
• (en) BBC - Radio 4 - Routes of English
• (en) Esl Base - informasi ngeunaan pangajaran Basa Inggris minangka basa asing
• (en) LanguageMonitor - Lembaga pangawas pamakéan basa Inggris kontémporér
• (en) Kamekaran Basa Inggris

Kamus

• Oxford English Dictionary - kamus basa Inggris panglengkepna
• All free English dictionaries - kumpulan kamus gratis
• Cambridge Dictionary
• Longman English Dictionary

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.