Kacang
Kacang nyaéta hiji istilah non-botani anu dipaké pikeun nyebut kana siki sababaraha pepelakan utamana polong-polongan, sapopoé kacang ogé dipaké pikeun nyebut (buah) polong malahan nyebut kana tangkal anu ngahasilkeun sikina.[1] Kacang ogé dipaké pikeun nyebutkeun kana siki anu garing, umumna anu disebut kacang ukuranana leutik [2][3].
Kacang dipercaya mibanda kandungan nutrisi, protéin, jeung énergi anu pohara lobana ku alatan kitu kacang geus jadi kadaharan anu kawentar alus pikeun dikonsumsi.[3] Sebutan kacang biasana nunjuk kana kacang anu ilahar dikonsumsi kayaning, kacang suuk, kacang beureum, kacang héjo, kacang polong jeung sajabana.[4] Tangtuna kacang-kacang éta geus dipiwanoh ku balaréa katut cara jeung katangtuan dina ngolahna.[3] Lemak anu aya dina kacang mangrupa lemak anu séhat tur mangpaat pikeun kaséhatan.[2]
Mangpaat jeung Kagunaan
éditKandungan protéin, lemak séhat, mineral jeung rupa-rupa vitamin kacida pentingna pikeun ngariksa kaséhatan anu ngonsumsina.[4] Sagigireun ti éta sababaraha kacang bisa dicampurkeun kitu waé kana dahareun.[4] Contona sayur asem anu maké kacang suuk atawa kacang beureum, loték, gado-gado, jeung sajabana.[4][5] Ieu ku lantaran gizi anu dipibanda ku kacang.[6] Aya deui kacang héjo anu ilahar dijieun bubur dipercaya pikeun ngaronjatkeun kasuburan buuk jeung ngalancarkeun cisusu ibu (ASI).[6] Dalah ti kitu sakabéh kacang mibanda kagunaan anu hadé pikeun ibu-ibu anu keur nyusuan mah.[3] Sababaraha kacang anu ilahar diolah pikeun opieun saperti kacang roay, kacang bali, kacang hiris, kacang panjang, Kacang kadelé, kacang suuk, jeung sajabana.[5]
Kacang jeung Jarawat
éditDi masarakat urang aya hiji kapercayaan atawa mitos cenah upama loba ngadahar kacang matak jarawatan, tapi numutkeun kana panalungtikan anu dipigawé ku American Academy of Dermatologi taya lian hiji lembaga anu icikibung dina masalah kaséhatan kulit nyindeukkeun, yén euweuh hubunganana bijilna jarawat ku alatan ngadahar kacang.[7] Colorado State Universty Department of Healt and Exercise méré saran séjénna taya lian jarawat bisa disingkahan ku jalan ngurangan ngonsumsi anu amis-amis tur kudu rajin mersihkeun kulité.[7]
Alergi kacang
éditAlérgi anu dirandapan sabada ngonsumsi kacang, sarua waé kawas alérgi anu dibalukarkeun ku ngonsumsi kadaharan séjén saperti: susu, endog, gandum, lauk, jeung haremis.[6] Alérgi balukar tina ngadahar kacang, ilaharna kulit karasa ateul, biwir bareuh/jeding, kongkolak panon bareuh, jeung sajabana.[8] Ieu ku lantaran hudangna sakumpulan sél dina awakna anu ngaluarkeun histamin tur ngabalukarkeun bocor atawa bareuh di daérah uratgetih dina awak.[8] Alérgi kana kacang anu dirandapan ku barudak umur opat belas bulan nepikeun ka dua taun, henteu kawas alergi kana susu.[6] Alergi kacang mah baris ngurangan tur leungit upama geus manjing déwasa.[9]
Kacang jeung Diet
éditLemak anu dikandung ku kacang mangrupa lemak anu séhat tur nyehatkeun, lemak mono henteu jenuh.[8] Kacang mibanda protéin, serat, kalium, magnésium, jeung vitamin E.[6] Kacang ogé mibanda pitosterol anu gedé mangpaatna pikeun nurunkeun kandungan kolesterol jahat dina getih [6] . Ogé panalungtikan séjénna ngeunaan mangpaat ngonsumsi kacang dina jumlah saeutik tapi mayeng, baris ngaronjatkeun kasehatan jantung.[6] Kitu ogé pikeun awéwé anu ngonsumsi lima ons kacang dina saminggu baris ngurangan keuna resiko panyakit jantung kurang leuwih 35 persén ti batan awéwé anu henteu ngadahar kacang.[10]
Dicuat tina
édit- ↑ Jonathan Rigg (1862). A Dictionary of the Sunda Language of Java. London: Bataviaasch Genootschap van Kunsten en Wetenschappen. p. 182.
- ↑ a b "Inilah Faktanya Ternyata Kacang Adalah Salah Satu Bahan Untuk Membuat Dinamit". Kumpulan Fakta Unik Seluruh Dunia. Diakses tanggal 21 April 2017.
- ↑ a b c d "Kacang". Kerjanya.net. Diakses tanggal 21 April 2017.
- ↑ a b c d "Membuat Rempeyek Kacang Tahan". Kanisius. Diakses tanggal 21 April 2017.
- ↑ a b "Kacang-kacangan". WordPress.com. Diakses tanggal 21 April 2017.
- ↑ a b c d e f g "INFORMASI KAPUAS (Jilid 11)". Jum'atil Fajar, Tommy Saputra, Andang Jarwadi, abahTYA, Tri Setyautami. Diakses tanggal 21 April 2017.
- ↑ a b "Mitos atau Fakta, Kacang Adalah Penyebab Jerawat Pada Wajah". Diakses tanggal 21 April 2017.[tumbu nonaktif]
- ↑ a b c "Cara Mengenali Alergi Kacang". http://id.wikihow.com. Diakses tanggal 21 April 2017. Archived 6 April 2017 di Wayback Machine
- ↑ "Alergi Kacang (1)". http://sehatindonesia.com. Diakses tanggal 21 April 2017.
- ↑ "Diet Sehat Dg Kode Warna Mknan". Hikmah. Diakses tanggal 21 April 2017.
Tutumbu kaluar
édit- (id)Nutrisi Kacang Archived 2017-05-03 di Wayback Machine
- (id)Jarawat tina kacang[tumbu nonaktif]
- (id)Mangpaat suuk
Baca ogé
édit- (id)Nutrisi Kacang Archived 2017-05-03 di Wayback Machine
- (id)Jarawat jeung Kacang[tumbu nonaktif]
- (id)Mangpaat kacang
- (id)Kacang jeung Asal muasal
- (id)Rupa-rupa kacang Archived 2017-04-29 di Wayback Machine
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |