King's College London
King's College London (disingget KCL) nyaéta hiji universitas panalungtikan anu aya di London, Britania Raya. Kampus ieu diadegkeun di taun 1829. King's College London mangrupa salah sahiji universitas anu pangkolotna di Inggris.[7]
Sajarah
éditKing's College London diadegkeun ku Raja George IV jeung Duke of Wellington (harita Perdana Menteri) di taun 1829 minangka paguron luhur dina garéja Inggris.[8][9][10]
Guratmangsa
éditIeu runtuyan di handap mangrupa guratmangsa sajarah mekarna King's College London ti mangsa ka mangsa.[11]
- 1828 - Panglawungan anu munggaran diayakeun pikeun ngabahas dasar King's College London, anu dipingpin ku Duke of Wellington.
- 1829 - Raja George IV nandatangan piagam karajaan ti King's College London.
- 1831 - King's College London sarta departemén juniorna, KIng's College School, dibuka.
- 1835 - Associateship of King's College London (AKC) mimitian dibérékeun ka mahasiswa KCL.
- 1836 - Yayasan Universitas London diadegkeun.
- 1839 - Gelar ti Universitas London mimitian dibérékeun ka mahasiswa KCL.
- 1839 - Pangwangunan Rumah Sakit King's College di Portugal Street di kaléreun Strand.
- 1846 - Departemén Téologi dibuka di King's College London.
- 1855 - Departemén peuting anu munggaran, dibuka.
- 1860 - Sakola kaperawatan anu diadegkeun ku Florence Nightingale dibuka di Rumah Sakit St. Thomas.
- 1871 - Rumah Sakit St. Thomas pindah ka wangunan anu ayeuna di Lambeth, ku sabab wangunan anu heubeul pikeun pangwangunan Stasion London Bridge. King's College London ngayakeun kuliah éksténsi munggaran pikeun awéwé.
- 1873 - Sarikat Siswa munggaran ngadeg di King's College London
- 1885 - Departemén Ladies's King dibuka di Kensington Square.
- 1888 - Rumah Sakit Guy jadi rumah sakit umum munggaran di Inggris anu ngadegkeun sakola gigi.
- 1890 - Day Training College pikeun palatihan guru dibuka.
- 1895 - Politéknik di beulah kidul-kulon dibuka, tuluy jadi Chelsea College anu ngagabung jeung King's College London di taun 1985.
- 1897 - King's College School pindah ka Wimbledon.
- 1901 - Rumah Sakit Gigi Karajaan London jeung Sakola Bedah Gigi ngagabung jeung UMDS, tuluy meunang gelar 'karajaan'-na
- 1902 - King's College Ladies's Department robah ngaran jadi King's College Women's Department.
- 1903 - Sakabéh tés kaagamaan di King's College London dihapus.
- 1910 - King's College Women's Department robah ngaran jadi King's College for Women.
- 1913 - Rumah Sakit King's College anu anyar, dibuka di Denmark Hill.
- 1915 - Departemén Seni jeung Sains King's College for Women dipindahkeun ka Strand. Sedengkeun Departemén Rumah Tangga jeung Ilmu Sosial dibuka di Campden HIll, Kensington.
- 1923 - King's Dental School diadegkeun diadegkeun minangka bagian ti Fakultas Kadokteran di Dénmark Hill. Rumah Sakit audsley dibuka minangka rumah sakit Déwan Kota London pikeun perawatan dini panyakit méntal akut.
- 1928 - The Household and Social Science Department of King's robah ngaran jadi King's College for Household and Social Science.
- 1948 - Ku sabab alesan Layanan Kaséhatan Nasioal, sakola-sakola médis saperti Guy's, King's, sarta St. Thomas' robah wangunna jadi rumah sakit. Sakola kadokteran Maudsley ganti ngaran jadi Institut Psikiatri.
- 1953 - King's College for Household and Social Science ganti ngaran jadi Queen Elizabeth College.
- 1971 - Sakola Luhur Sains jeung Téhnologi Chelsea ngagabung jeung Universitas London sarta ganti ngaran jadi Chelsea College.
- 1983 - Rumah Sakit Gigi Royal ti London School of Dental Surgery ngagabung jeung Guy's Dental School sarta United Medical and Dental School milik Guy jeung St. Thomas's Hospitals (UMDS) dibentuk. Fakultas Kadokteran jeung Kadokteran Gigi King's College ngahiji jeung King's College London.
- 1985 - Queen Elizabeth College jeung Chelsea College ngagabung jeung King's College London.
- 1997 - Institut Psikiatri ngagabung jeung King's College London.
- 1998 - UMDS ngagabung jeung King's College London. Departemén Studi Kaperawatan King's ngagabung jeung Institut Kaperawatan Nightingale pikeun ngabentuk Florence Nightingale School of Nursing and Midwifery di King's College London.
- 2001 - Pabukon Chancery Lane, anu asalna tina Gedong Kantor Catatan Publik, dibuka. Tuluy ganti ngaran jadi Pabukon Maughan di taun 2002.
- 2004 - Universitas ngarayakeun milangkalana anu ka-175 kalawan program acara husus.
Kampus
édit
King's College London miboga lima kampus, nyaéta:[12]
- Kampus Dénmark Hill, tempat ayana Institut Psikiatri sarta nyadiakeun fasilitas pikeun Institut Kadokteran Gigi.
- Kampus Guy's, tempat ayana Fakultas Biomédis jeung Ilmu Kaséhatan sarta Institut Kadokteran Gigi.
- Kampus St. Thomas', perenahna di deukeut kampus Waterloo.
- Kampus Strand, perenahna di beulah kalér Walungan Thames, tempat ayana Fakultas Seni jueng Humaniora.
- Kampus Waterloo, tempat ayana Florence Nightingale School of Nursing and Midwifery sarta fasilitas pikeun fakultas séjén.
Fakultas
éditDi King's College London, aya salapan fakultas, nyaéta:[7]
- Fakultas Seni jeung Humaniora
- Fakultas Kadokteran
- Fakultas Kaperawatan jeung Kabidanan
- Institut Kadokteran Gigi
- Fakultas Imu Sosial jeung Kawijakan Publik
- Fakultas Biomédis jeung Ilmu Kaséhatan
- Fakultas Hukum
- Institut Psikiatri
- Fakultas Ilmu Fisika jeung Téknik
Galéri
édit-
Gedong Macadam -
Kampus Guy's -
Kampus Denmark Hill
Tingali ogé
éditRujukan
édit- ↑ https://www.academia.edu/3066617/The_memorial_inscription_to_Joseph_Anstice
- ↑ "Our history". King's College London Faculty of Life Sciences and Medicine. Diakses tanggal 13 February 2016. Archived 18 Oktober 2018 di Wayback Machine
- ↑ a b "Financial Statements for the year to 31 July 2019" (PDF). King's College London. Diakses tanggal 24 December 2019. Archived 24 Séptémber 2020 di Wayback Machine
- ↑ a b "2014/15 Staff by HE provider". Higher Education Statistics Agency. Diarsipkan dari versi asli (XLSX) tanggal 18 March 2016. Diakses tanggal 21 March 2016.
- ↑ a b c Citakan:HESA citation
- ↑ "Branding Essentials" (PDF). Branding Essentials November 2018. Diakses tanggal 24 March 2019. [tumbu nonaktif]
- ↑ a b "Profil King’s College London (KCL)". Berkuliah.com. Diakses tanggal 2020-02-19.
- ↑ "King's College London - Overview". www.kcl.ac.uk. Diakses tanggal 2020-02-23.
- ↑ "King's College London - London - United Kingdom - MastersPortal.com". www.mastersportal.com. Diakses tanggal 2020-02-23.
- ↑ "King's College London". www.thecompleteuniversityguide.co.uk (dalam en-gb). Diakses tanggal 2020-02-24.
- ↑ "King's College London - Timeline". www.kcl.ac.uk. Diakses tanggal 2020-02-23.
- ↑ "Our campuses | Visit King’s | King’s College London". www.kcl.ac.uk. Diakses tanggal 2020-02-24.