Popo-wadudu

Popo-wadudu
Popo pua-njumufarasi mdogo (Rhinolophus hipposideros)
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Ngeli: Mammalia (Wanyama wenye viwele wanaonyonyesha wadogo wao) Ngeli ya chini: Eutheria Oda: Chiroptera (Popo) Nusuoda: Yangochiroptera (Popo-wadudu) Koopman, 1985
Ngazi za chini
Familia 14: Cistugidae Lack, Roehrs, Stanley Jr., Ruedi & Van den Bussche, 2010 Emballonuridae Gervais, 1855 Furipteridae Gray, 1866 Miniopteridae Dobson, 1875 Molossidae Gervais, 1856 Mormoopidae Saussure, 1860 Mystacinidae Dobson, 1875 Myzopodidae Thomas, 1904 Natalidae Gray, 1866 Noctilionidae Gray, 1821 Nycteridae Van der Hoeven, 1855 Phyllostomidae Gray, 1825 Thyropteridae Miller, 1907 Vespertilionidae Gray, 1821

Popo-wadudu ni aina za popo wanaowinda wadudu hasa. Kibiolojia ni mamalia wa nusuoda Yangochiroptera katika oda Chiroptera wanaofanana na panya wenye mabawa. Kwa kawaida spishi hizi ni ndogo kuliko zile za nusuoda Yinpterochiroptera (popo-matunda) lakini kuna spishi zilizo kubwa kulika spishi fulani za popo-matunda. Spishi ndogo kabisa ni popo nyukibambi aliye na urefu wa mm 29-33 na uzito wa g 2. Kwa hivyo popo huyu ni spishi ndogo kabisa ya mamalia pia. Kirukanjia wa Etruski anaweza kuwa na uzito mdogo zaidi (g 1.2-2.7) lakini ni mrefu zaidi (mm 36-53). Popo-wadudu hula wadudu hasa lakini spishi nyingine hula samaki, ndege na wanyama wadogo na hata damu. Hutumia miwangwi ya sauti yao ili kuyakamata mawindo yao. Spishi kadhaa hula matunda na mbochi na hizi hazitumii miwangwi.

Mwainisho

Oda: Chiroptera

• Nusuoda Yangochiroptera
  • Familia Cistugidae (Popo mabawa-tezi)
  • Familia Emballonuridae (Popo mkia-uo)
  • Familia Furipteridae (Popo bila gumba)
  • Familia Miniopteridae (Popo mabawa-marefu)
  • Familia Molossidae (Popo mkia-huru)
  • Familia Mormoopidae (Popo uso-pepo)
  • Familia Mystacinidae (Popo mkia-mfupi wa Nyuzilande)
  • Familia Myzopodidae (Popo miguu-minaso)
  • Familia Natalidae (Popo masikio-mpare)
  • Familia Noctilionidae (Popo wavuvi)
  • Familia Nycteridae (Popo uso-kibonde)
  • Familia Phyllostomidae (Popo pua-jani)
  • Familia Thyropteridae (Popo mabawa-minaso)
  • Familia Vespertilionidae (Popo-jioni)

Picha

• 
  Popo mkia-uo wa Pasifiki
• 
  Popo uso-kibonde wa Misri
• 
  Popo-jioni rangi-mbili
• 
  Popo mkia-huru wa Mexiko
• 
  Popo masikia-mpare wa Mexiko
• 
  Popo mvuvi mkubwa
• 
  Popo uso-pepo
• 
  Popo pua-mshale mweupe