Visual kei

Visual kei (jap. ヴィジュアル系 abo ビジュアル系 – vijuaru kei abo bijuaru kei, dosłownie wizualny styl), skrōcane do v-kei (V系 – bui kei), to je kategoryjŏ dlŏ japōńskich muzykōw, co majōm fest fokus na ekscyntryczne ôblyczynia, makijaż a frizury. Visual kei to niyma zorta muzyki a niy mŏ specyficznego klangu, kapele visual kei mogōm reprezyntować wszyjske zorty muzyki.

Cosplay czōnkōw kapele Malice Mizer

Cosplay czōnkōw kapele X Japan

Styl pochodzi ôd kapel, co miały inspiracyjõ ôd zachodnich kapel glamrockowych, heavymetalowych, punkrockowych a gothicrockowych. Piōnierami visual kei były rockowe a metalowe kapele Buck-Tick, X Japan, Dead End, D'erlanger a Color. Styl stoł sie popularny we latach 1990. skirz sukcesōw kapel Luna Sea, Glay, L'Arc-en-Ciel a Malice Mizer. Lata 2000. prziniosły rozrost visual kei na inksze a eksperymyntalne zorty muzyki, skuli kapel Dir En Grey, The Gazette, Alice Nine, Girugamesh a Versailles.

Miano visual kei pochodzi ze parŏli ôd X Japan – „Psychedelic Violence Crime of Visual Shock”, kerŏ je na ôkładce ônych albumu Blue Blood (1989).

Hyrskość

Visual kei cieszy sie srogōm hyrskościōm tak postrzōd niyznŏleżnych muzykōw, jak i kapelōw ôsiōngajōncych sukcesy kōmercyjne, przi czyrpaniu z wpływōw zachodnich takich jak: glam, goth i cyberpunk. Muzyka granŏ bez kapele pasujōnce visual kei ôbyjmuje szyrokõ gamã zort, w tym roztōmajte ôdmiany popowe, punka, heavy metalu i muzyki elektrōnicznyj. W Japōniji regularnie wydŏwane sōm składy poruszajōnce tymatykã visual kei – Aryna 37°C, Fool's Mate i SHOXX. Nojsrogsze społeczności fanōw sōm w Stanach Zjednoczōnych, Niemczech, Polsce, Rusyji, Francyji i Brazyliji jak tyż po kōnsku we Finlandyji, Chile i Szwecyje.