u kala OK hanany a sadadiwan nu sikaidaw

ina kala OK (卡拉OK) hananay sadadiwan nu tademaw sikaidaw sa namakay i nu Dipunan i 1971 a mihcaan kuni kalingatu ya nu Dipunan (神戶) tuse hananay a kakitidaan matinengay tunu pacudaday misangaay sakay mudadiway a tademaw ci (井上大佑). idaw kuni pisangaan sapalekal tunu kikayay a dadadiwan u nayiay ku pacabayay dadiw sananay nu nilingihaan sikatahkal tu nu padadiway i Dipun sa nasulitan Kara- orchestra sananay u imin nu Hulamay sa nayiay ku pacabayay a mudadiw saan (無人伴奏樂團伴唱帶）sananay u sakaidaw nu imahidaay a kala OK nipi patahkalan.

u sasiwkayan tunu makay idaw nu kala OK hananay

idipun a kanatalan sa hina mudadiw ku tademaw i lumalumaan sikatukuh i dumaay a kanatalan pasu u Taywan atu Siyangkan (香港) atu Hulam (大陸) 1988 a mihcaan micumud i siyangkan kasenun saan mucelak ku nikaladladan sikanamuhan nu tademaw kinamahiniyay a sadadiwan sakalihalayan nu balucu sisa imahida satu yadah ku taydaay i Hulam nu misiwbayay itida kakayda satu mapalekal ku mahiniyay a lalangawan nu sadadiwan. u saayaway nipatidengan a kala OK sa i 1990 a mihcaan i (海南省) nikalingatu nu dumaay atu nu Hulamay nika calamul patahkal tu kalisiw mamisiwbay . yadahyadah nu dikudan mikilulay mikilihida uduma sa sipabaluhay maysumad tu nipisibay sisa kasenun saan mulatlat ku kikay atu nikayzuan (翻版) tu a sadadiwan . pasu sikanamuhan nu tademaw sa tansul satu mahamin ku tuse atu inakaay sipadengan nu kala OK hananay i Hulam（大陸) . zayhan katukuh i 1991 a mihcaan idaw tuku mikunukunu sananay miubi misiwbay tu pacabayay mienip tu epah nu limecedan u dumasa idawaca ku mawacayay nu limecedan pacabay munip masasalama ilabu u sakaydihan nu misiwbayay ku mahidaay kasenun saan sitan ku malatawkiay. u dumaay sa malahida u 夜總會 hananay padadiway.

i Taywan sa macakat kunika siduma tu nipisiwbayan ya kala OK sa lamulen nu misiwbayay atu i labu nu kakabian ya KTV hananay patingkihan tu belatbelat sananay a sakasinawal nu tangah adihan tuku limecedan sa bangbangcal sikabusuk nu munipay salabi saan mudadiw maliyuh tu sakay taluma makasic tu musakawaw. ya KTV hananay a nidatengan a sakikawaw sa mudiku aca sikataydaan i nu Dipunan mahidatu u sakanamuhan nu katuuday a tademaw imahidah sa u malasayaway nu kalcapuan nu mihicahica a kawawan nu tademaw. sisa nika sidumaan pangangan hantu u kala OK 包厢 saan a nipacudad sisa nikahini.

u nu tabakiyay atu nu pacumuteng tu kalisiway a kala OK nikasidumaan

ya tabakiyay a nipipatiyaman atu nu sidumaay sananay pacumuday tu kalibuwahay a kalisiw a kala OK caay kalecad ya (錢櫃KTV) hananay sa nipisangaan tu labu nusadadiwan yadah kuni palawpes tu kalisiw misakapah sakangaay nu tayniay nu labang a mudadiw sisa matekes ku sapaaca tu nikaeneneg i labu anu katukuh i pipahanhanan sa u duma ku yadah nu taydaay mudadiw mapasilac muhalhal i Taywan sa idaw henay ku cacayay a tabakiyay a sadadiwan ya (好樂迪KTV) hananay sulecad saan kapah ku siwbay katukuh ayda sa mahida henay. u nikahini sa sipakayda tu i nikayadahan pasanga tu kakatidaan nu taydaay kapah ku kikay nu dadadiwan masalihalay ku balucu nu mudadiway sisa caay kalawpes ku KTV hananay a nasiwbayan. nika i nakaay nipisiwbayan sa cayay kalecad ku nadatengan caay pisakapah pisayadah tu kalisiw mi sungaay tu mudadiwy u nipacumudan tu kalibuwah a kikayan ku sadadiwan sisa caay ka tekes ku aca nika anu yadah kunienipan tu epah sa mikilihidah tu matekes. nu i nakaay sa itaneng mi palalacay tu labang mi ngihngih tu tuudtuudan a kakaenen a lami sisa anu yadah ku labang anu yadah ku nipiawaw tu ngihlami (熱炒）hananay sa pasimata tu anu misausi tuni kakaenen. kanahatu mahini kuni katekes idaw tu ku tayniyay caay ka inayi. zayhan u sakasaan nu kala OK hananay sa u mialaay tu balucu nu tademaw sakailay nu pahanhanay u micapiyay tu apiyan ku sadadiw hananay.