ulic- sitangahay a di’tu ci Butung

satangahan nu ulic

sitangahay a di’tu ci Butung

culen nu Lipun

ngatu

ngatu-1

ipabaway talahekal ci butung, mikadabu i wawana nu sakizaya ci sayunan, iyadah ku sasangaan niza tu culen, linengen niza ku culen, tuwa malaheci’ niza a patadas. sipaluma niza tu sicedamay a heci atu a kenekay a heci, u sicedamay a heci sa mala tipus, u akenekay a heci sa mala habay.

ngatu-2

namahiza, sipasubana’ ni butung ku iyadahay a sakaluk atu sapisalisin, namahiza sitangahay a di’tu atu naenengan a di’tu han nu binawlan.

culen nu zuma a cidekay

ngatu-3

nazikuzan tu tulu a mihca a taluma kaku sa ci butung, u sakasa mabatad ku zazan, kiyu maydih ci sayunan pakayluma’ pacabay tu wina atu wama. uyzasa sibili tu ci sayun, maydih miladay ci butungan a taluma’. i pabaw ku luma’ ni butung a maka tukal mukayakay, sakamuhan ni butung ci sayun anu mukayakay tu tukal sa amana pangiha’han niza.

ngatu-4

mukayakay tu kiya tatusaay, iyu a katukuhan tu i pabaw, mangelu’ tu ci sayun mapawan tu nakamuan pangiha’ ciniza, itawya tansul sa mangeli’ kiya tukal, mahetik ci sayun i lala’, malupisak ku bili niza tahekal ku caket, pabuy, tulakuk, aadupen. tuwa taluma’ ci butung i pabaw, ci sayun sa mala di’tu nu aadupen, mikuwan tu nu hekalan aadupen.

ngatu-5

yani satukalan nuhni, u pela’ nu ngeli’ niya tukal sa mahetik i tepal niya maibul u hecek nu sapat hantu, u kuku’ nu pangkiw niya tukal sa, maliwang i hanauka a buyu’ nu nabakuwan. namahiza, anu micaliway ku sakizaya tiza hecek a baetu sa,satezep han, amana ka aliyaliyac,u cayay kasikaz tu di’tu ku mahizaay.

ngatu-6

u sa’wac nu buyu’, malecad tu izang nu tademaw, u sa’wac sa u menmen nu bukebukelalan, u sapakengtu uzip. ngabul maduba’ i buyubuyuan, u kiyuma i baluwang nu misu a mabi’. malabali kisu, amitudu’ tu tabuyuay a zazan, u suni’ nu tulakuk sa sapacukat isuwanan. u nipatungnus nuniyam, napialai, pasangaan kami tu, kapah maenapay a zazan.

ngatu-7

maahemaw ku dadiw tunu palaw, mahaymaw ku culil. sasukapahay nu di'tu, amiteka tu ku lisin, saahemawen nu niyam ku suni' amibetik, mihalhal tuni ka tayni nu misu, tulisen a mudadiw tunu kanamuhan nu misu.

namakayniay a nasulitan nasakamuan atu natinengan

nasulitan ni Imi、Bunuk、Nuwa Watan o Kumud atu ci Tuku Sayiun

malaalitin tu i hekalay atu zumaay a natinengan 

• 陀螺