ಬೆಂಡೆ

ಬೆಂಡೆ ಕಾಯಿ ಪಂಡ ಕಜಿಪುತ ಕಾಯಿ ಬೆಂಡೆ ಕಾಯಿದ ದಯಿಟ್ ಪೂ ಬುಳೆದ್ ಕಾಯಿ ಆಪುಂಡು. ಉಂದೆನ್ ತರಕಾರಿ ಆದ್ ಗಳಸುವೆರ್. ಉಂದೆನ್ ಇಂಗ್ಲಿಷ್‌ಡ್ ಲೇಡಿಸ್ ಫಿಂಗರ್, ಹಿಂದಿಡ್ ಬಿಂಡಿ ಬೊಕ್ಕ ಸ್ಪ್ಯಾನಿಷ್ ಭಾಷೆಯಲ್ಲಿ ಗೂಂಬೊ ಪಂದ್ ಪನ್ಪೇರ್. ಉಂದೆತ ವೈಜ್ನಾನಿಕ ಪುದರ್ ಅಬೆಲ್‍ಮಾಸ್ಕಸ್ /ಹೈಬಿಸ್ಕಸ್ ಎಸ್ಕ್ಯುಲೆಂಟಸ್. ಈ ತರಕಾರಿನ್ ಹೆಚ್ಚಾದ್ ಇಲ್ಲಡ್ ಬುಲೆಪಾವೆರ್. ಬೆಂಡೆದ ಸಾರು, ಸುಕ್ಕಾ, ಪಲ್ಯ, ಬಜೆ, ಪೋಡಿ ಇತ್ಯಾದಿಲೆನು ಮಲ್ಪುವೆರು. ಉಂದು ಆರೋಗ್ಯಗು ಎಡ್ಡೆ. ಅಂಚೆನೆ ದೇಹೊಗು ನಾರ್‍ದಂಶೊನು ಒದಗಾವುಂಡು ಉಂದೆತ ಬಣ್ಣ ಗಿಳಿಪಚ್ಚೆ. ಈ ತರಕಾರಿದ ಉಲಾಯಿಡ್ ಇಪ್ಪುನ ಬೀಜೊನು ಅಂಚೆನೆ ಪೆಜ್‍ದ್ ತಿನ್ಪೆರ್. ಈ ತರಕಾರಿ ಪೂರಾ ಕಾಲೂಡು ಬುಲೆವುಂಡು.^[೧]

ಬೇತೆ ಬೇತೆ ಬಾಸೆಲೆಡ್

ಇಂಗ್ಲಿಸ್ - ಲೇಡಿಸ್ ಫಿಂಗರ್/Ladies Finger
ಹಿಂದಿಡ್ - ಬಿಂಡಿ
ಸ್ಪ್ಯಾನಿಷ್ - ಗೂಂಬೊ ಪಂದ್ ಪನ್ಪೇರ್
ವೈಜ್ನಾನಿಕ ಪುದರ್ - ಅಬೆಲ್‍ಮಾಸ್ಕಸ್/ಹೈಬಿಸ್ಕಸ್ ಎಸ್ಕ್ಯುಲೆಂಟಸ್
ಕನ್ನಡ - ಬೆಂಡೆಕಾಯಿ
ಕೊಂಕಣಿ - ಬೆಂಡೊ

ಬೆಂಡೆದ ಮೂಲ

ವಿಜ್ಞಾನಿಲೆನ ಅಂದಾಜಿದ ಲೆಕ್ಕೊ ಬೆಂಡೆದ ಉಗಮ ಆಫ್ರಿಕಾ ಖಂಡದ ಉಷ್ಣವಲಯ ಆದಿತ್ತ್‌ದ್ 1216 ಡ್ದ್ ದುಂಬು ಯುರೋಪ್ ದಕುಲು ಉಂದನ್ ಬುಳೆಪಾವೊಂದಿತ್ತೆರ್. ಬೆಂಡೆ ಉಷ್ಣವಲಯ ಬೊಕ್ಕ ಸಮಶೀತೋಷ್ಣವಲಯ ಇಂಚ ರಡ್ದ್ ಜಾಗೆಗ್‍ಲಾ ಹೊಂದೊಂದು ಬುಳೆವುನ ದೈ.

ರೂಪೊ

ಬೆಂಡೆದ ದಯಿ ಅಂದಾಜಿಡ್ 2 ಮೀ. ಎತ್ತರ ಮುಟ್ಟ ಬುಳೆವುಂಡು. ಅಪ್ಪೆ ಬೇರ್‌ದ ಸಮೂಹ ಬೊಕ್ಕ ಉದ್ದದ ದಂಡ್ ದಂಚ ಉಪ್ಪುನ ಈ ದೈತ ದಂಟ್‍ದ್ ಮೆಲ್‍ಡ್ ಎಲ್ಯ ಎಲ್ಯ ಮಕ್ಕ್ ದಂಚ ಉಪ್ಪುಂಡು. ದೈ ಬುಳೆವೊಂದು ಬತ್ತಿನಂಚನೆ ಇರೆತ ಇಡೆಟ್ಟ್ ಇಜ್ಜಂಡ ದಂಡ್‌ದ ಕೊಡಿಟ್ ಬೆಂಡೆದ ಪೂ ಬುಳೆವುಂಡು. ವೈಜ್ಞಾನಿಕವಾದ್ ಈ ರೀತಿದ ಪೂ ಬುಳೆಪುನೆಕ್ಕ್ ಸಾಲಿಟರಿ ಸೈರ್ಮ ಪನ್ಪೆರ್.

ಬೆಂಡೆದ ವಿದೊಕ್ಕುಲು

ಊರುದ ಬೆಂಡೆ
ಗಾಟಿ ಬೆಂಡೆ
ಕೆಂಪು ಬೆಂಡೆ

ಆರೋಗ್ಯ ಉಪಯೋಗೊಲು

ಬೆಂಡೆಕಾಯಿ ಆರೋಗ್ಯೊಗ್ ಏತ್ ಎಡ್ಡೆನಾ ಅವೆತ್ತ ನೀರ್ಲಾ ಆತೇ ಎಡ್ಡೆ. ಬೆಂಡೆಕಾಯಿಡ್ ಮಸ್ತ್ ಪೌಷ್ಟಿಕಾಂಸೊಲು ಉಲ್ಲ. ಬೆಂಡೆಕಾಯಿಡ್ ಪ್ರೋಟೀನ್, ಕಾರ್ಬೋಹೈಡ್ರೇಟ್‌ಗಳು, ಕ್ಯಾಲ್ಸಿಯಂ, ರಂಜಕ, ವಿಟಮಿನ್ ಎ, ಬಿ, ಸಿ, ಥಯಾಮಿನ್ ಬುಕ್ಕ ರೈಬೋಫ್ಲಾವ್ ನಂಚಿನ ಪೋಷಕಾಂಸೊಲು ಉಲ್ಲ.

ಸಕ್ಕರೆ ಕಾಯಿಲೆ ಇತ್ತಿನಕುಲೆಗ್

ಬೆಂಡೆಕಾಯಿಯ ತಿನ್ಪುನೆರ್ದಾವರ ಸಕ್ಕರೆ ಕಾಯಿಲೆ ಇತ್ತಿನ ರೋಗಿಲೆಗ್ ಮಸ್ತ್ ಪ್ರಯೋಜನ ಉಂಡು. ಸಕ್ಕರೆ ಕಾಯಿಲೆ ಇತ್ತಿನಕುಲು ಬೆಂಡೆಕಾಯಿದ ನೀರ್ ನ್ ದಿನೋಲಾ ಪರ್ಂಡ ನೆತ್ತೆರ್‍ಡ್ ಸಕ್ಕರೆದ ಅಂಸ ಕಮ್ಮಿ ಆಪುಂಡು.

ಜೀರ್ಣಕ್ರಿಯೆನ್ ಸುದಾರಿಸಾವುಂಡು

ಜೀರ್ಣಕ್ರಿಯೆದ ಸಮಸ್ಯೆಗ್ ಬೆಂಡೆಕಾಯಿದ ನೀರ್ ಮಸ್ತ್ ಎಡ್ಡೆ. ಬೆಂಡೆಕಾಯಿದ ನೀರ್ ಡ್ ಫೈಬರ್ ಮಸ್ತ್ ಉಪ್ಪುನೆಡ್ದಾವರ ಜೀರ್ಣಾಂಗ ವ್ಯವಸ್ಥೆನ್ ಬಲಪಡ್ಪುಂಡು, ಮಲಬದ್ಧತೆ, ಆಮ್ಲೀಯತೆನ್ ನಿವಾರಣೆ ಮಲ್ಪುಂಡು ಬೊಕ್ಕ ಬಂಜಿನ್ ಶುದ್ಧ ಮಲ್ಪುಂಡು.

ರೋಗ ನಿರೋಧಕ ಶಕ್ತಿನ್ ಜಾಸ್ತಿ ಮಲ್ಪುಂಡು

ಬೆಂಡೆಕಾಯಿಡ್ ವಿಟಮಿನ್ ಸಿ ಮಸ್ತ್ ಉಂಡು, ಉಂದು ರೋಗ ನಿರೋಧಕ ಶಕ್ತಿನ್ ಜಾಸ್ತಿ ಮಲ್ಪುಂಡು. ಬದಲಾವಣೆದ ಕಾಲೊಡು ಶೀತ, ತೆಮ್ಮ, ಜ್ವರ ಸಮಸ್ಯೆ ಇತ್ತಿನಕ್ಲೆಗ್ ವಾರೊಗು 1-2 ಸರ್ತಿ ಬೆಂಡೆಕಾಯಿದ ನೀರ್ ಪರ್ಲೆ ಪಂದ್ ತಜ್ಞೆರ್ ಸಲಹೆ ಕೊರ್ಪೆರ್.