ᥓᥣᥒᥳ
ᥛᥫ ᥛᥪᥢᥳ ᥔᥪᥢᥰ ᥓᥝᥳ ᥘᥢᥳ ᥓᥣᥒᥳ ᥑᥝᥴ ᥕᥧᥱ ᥔᥝᥰ ᥘᥬᥰ ᥐᥛᥱ ᥚᥣᥱ ᥘᥨᥒᥴ ᥙᥧᥢᥳ ᥖᥤ ᥙᥣᥱ ᥚᥣᥭᥱ ᥞᥩᥒᥱ ᥙᥨᥢᥳ ᥕᥝᥳ. ᥛᥫ ᥘᥥᥝ ᥖᥥᥳ ᥓᥣᥒᥳ ᥟᥢ ᥘᥧᥐ ᥖᥤ ᥓᥣᥒᥳ ᥛᥫ ᥓᥝᥳ ᥛᥣᥰ ᥘᥢᥳ ᥐᥩᥭᥰ ᥐᥪᥖᥴ ᥔᥩᥒᥴ ᥛᥥᥝᥰ ᥐᥩᥭᥰ ᥕᥝᥳ. ᥔᥖᥴ ᥖᥨᥝ ᥕᥧᥱ ᥘᥫᥴ ᥐᥩᥒᥰ ᥘᥭᥳ ᥓᥣᥒᥳ ᥘᥭᥳ ᥖᥨᥝ ᥕᥬᥱ ᥔᥥᥴ ᥙᥫᥢ. ᥞᥦᥒᥰ ᥕᥬᥱ ᥔᥥᥴ ᥙᥫᥢ. ᥙᥩᥰ ᥝᥣ ᥐᥨᥢᥰ ᥖᥥᥐᥴ ᥔᥦᥝᥲ ᥕᥩᥙᥱ ᥑᥝᥴ ᥔᥥᥴ ᥓᥬᥳ ᥑᥝᥴ ᥘᥭᥴ ᥔᥥᥴ ᥘᥤ ᥟᥣᥛᥰ ᥑᥝᥴ ᥛᥨᥝᥴ ᥓᥬ ᥕᥣᥝᥰ ᥔᥥᥴ ᥞᥥᥖᥱ ᥐᥣᥢ ᥙᥢ ᥐᥨᥢᥰ. ᥓᥣᥒᥳ ᥘᥭᥳ ᥔᥩᥢᥴ ᥒᥣᥭ. ᥓᥬᥳ ᥔᥒᥴ ᥐᥩᥲ ᥗᥩᥛᥱ ᥔᥥᥴ ᥛᥨᥝᥴ ᥞᥥᥖᥱ ᥓᥩᥛᥰ. ᥓᥣᥒᥳ ᥟᥣᥱ ᥜᥣ ᥞᥤᥐ ᥘᥭᥳ ᥖᥨᥝ ᥕᥬᥱ ᥔᥥᥴ ᥓᥣᥒᥳ ᥟᥥᥰ ᥡᥣᥰ ᥕᥧᥱ. ᥛᥣᥒ ᥖᥨᥝ ᥔᥧᥒᥴ ᥙᥥᥢ ᧑᧑ ᥗᥖᥴ ᥕᥝᥳ. ᥓᥣᥒᥳ ᥟᥥᥰ ᥡᥣᥰ ᥘᥭᥳ ᥖᥥᥳ ᥟᥛᥱ ᥔᥧᥒᥴ ᥙᥨᥢᥳ ᧑᧐ ᥗᥖᥴ. ᥓᥣᥒᥳ ᥟᥣᥱ ᥜᥣ ᥞᥤᥐ ᥘᥭᥳ ᥞᥨᥝᥴ ᥛᥨᥢᥰ ᥔᥥᥴ ᥛᥬ ᥞᥧᥴ ᥕᥬᥱ. ᥓᥣᥒᥳ ᥟᥥᥰ ᥡᥣᥰ ᥖᥥᥳ ᥓᥤᥐᥴ ᥞᥨᥝᥴ ᥘᥩᥐᥴ ᥔᥥᥴ ᥛᥬ ᥞᥧᥴ ᥟᥦᥢᥴ. ᥒᥨᥒᥰ ᥓᥣᥒᥳ ᥟᥣᥱ ᥜᥣ ᥞᥤᥐ ᥘᥭᥳ ᥛᥤᥰ ᥞᥩᥭᥰ ᥑᥩᥙᥱ ᥚᥥᥒᥱ ᥐᥢ ᥔᥥᥴ ᥛᥤᥰ ᥔᥤᥱ ᥔᥨᥙᥱ ᥔᥩᥒᥴ ᥟᥢ ᥕᥝᥳ. ᥒᥨᥒᥰ ᥓᥣᥒᥳ ᥟᥥᥰ ᥡᥣᥰ ᥖᥥᥳ ᥘᥫᥛᥲ ᥔᥥᥴ ᥔᥥᥛᥲ ᥘᥨᥒᥰ ᥐᥣᥱ. ᥙᥣᥭ ᥒᥨᥒᥰ ᥛᥢᥰ ᥐᥩᥭᥰ ᥛᥤᥰ ᥔᥤᥱ ᥔᥨᥙᥱ ᥟᥢ ᥘᥥᥝ ᥐᥩᥭᥰ. ᥓᥣᥒᥳ ᥟᥥᥰ ᥡᥣᥰ ᥘᥦᥲ ᥓᥣᥒᥳ ᥟᥣᥱ ᥜᥣ ᥞᥤᥐ ᥘᥩᥒ ᥙᥦᥐᥱ ᥙᥫᥒ ᥐᥢ ᥖᥣᥒᥱ ᥛᥥᥝᥰ ᥗᥦᥒᥲ ᥑᥢᥱ. ᥐᥩᥙ ᥙᥫ ᥛᥤᥰ ᥘᥩᥒ ᥙᥦᥐᥱ ᥙᥫᥒ ᥐᥢ ᥘᥦᥲ ᥚᥧᥱ ᥘᥨᥒᥳ ᥚᥣᥭᥱ ᥔᥖᥴ ᥑᥝᥴ ᥓᥒᥱ ᥓᥦᥐᥱ ᥚᥥᥴ ᥝᥭᥳ ᥓᥫᥳ ᥚᥥᥴ ᥛᥢᥰ ᥞᥣᥒᥰ ᥐᥩᥭᥰ ᥕᥧᥱ ᥕᥝᥳ.
