Атмосфера

АТМОСФЀРА (юн. ατμός — бухор ва σφαῖρα — кура)

1. Атмосфера — воҳиди ғайрисистемавии фишор, ки тақрибан ба фишори атмосферӣ дар рӯии Замин (дар сатҳи Уқёнуси Ҷаҳонӣ) баробар аст.
2. Атмосфераи Замин, ҷавви Замин — қабати гази (геосфера)-и атрофи кураи Замин. Маъмулан, зери мафҳуми атмосфераи Замин ҳамон соҳаи газии атрофи Заминро мефаҳманд, ки дар он муҳити газӣ ҳамроҳи Замин чарх мезанад. Ғафсии атмосфераи Замин аз сатҳи Замин тақрибан 2000–3000 км аст.
3. Атмосфера табақаи болотарин ва зичиаш камтарини Замин мебошад.

Қабати газии кураи Замин

Атмосфера сарҳади аниқ надорад. Бо вуҷуди он ки атмосфера дар тарқишҳои Замин ва ковокиҳои ҷинсҳои кӯҳӣ мавҷуд аст, ҳудуди поёнии онро сатҳи Замин меҳисобанд. Сарҳади болоӣ хеле ҳам ноаён аст ва онро шартан баландии 3000 км ҳисобидаанд