Биссектриса

Биссектри́саи кунҷ (аз лот. bi- «ду карат», ва sectio «мебурам») — хат (шуоъ)-е, ки аз қуллаи кунҷ гузашта, онро ба ду ҳиссаи баробар тақсим мекунад.

Биссектрисаи кунҷ маҷмӯи нуқтаҳоест, ки аз тарафҳои кунҷ дар масофаҳои баробар ҷойгиранд. Порчаи СС₁, ки аз кунҷи секунҷа (АСВ) то тарафи муқобил (АВ) гузаронда шудааст, Биссектрисаи секунҷа номида мешавад. Ин порча тарафи муқобили секунҷаро ба порчаҳое, ки ба тарафҳои паҳлуӣ (АС ва ВС) мутаносибанд, тақсим мекунад. Биссектрисаҳои секунҷа (СС₁, АА₁ ва ВВ₁) дар як нуқта (О) бурида мешаванд, ки маркази давраи дохили секунҷаи АВС мебошад.

Сарчашма

• Биссектриса / Т. Ҷӯраев // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.