ڈان (اخبار)
ڈان (DAWN) پاکستان کے مشہور انگریزی زبان کے اخبارات میں سے ایک ہے۔ یہ کاغذی صورت میں اور آن لائن پڑھا جا سکتا ہے۔
ڈان، 26 اکتوبر 1941ء کو قائداعظم محمد علی جناح کی ذاتی سر پرستی میں مسلم لیگ کے ترجمان کی حیثیت سے ہفت روزہ کے طور پر جاری کیا گیا۔ 1942ء میں یہ روزنامہ ہو گیا۔ اس نے مسلم لیگ اور مسلمانان ہند کی ترجمانی کے فرائض شاندار طریقے سے سر انجام دیے۔ روزنامہ ڈان کے پہلے ایڈیٹر پاتھن جوزِف تھے جو اپنے صحافتی کیریئر اور تجربے کے باعث کافی مقبولیت رکھتے تھے۔ 1945ء میں الطاف حسین کو اس کا ایڈیٹر مقرر کیا گیا۔ روزنامہ ڈان اور دیگر مختلف اخبارات نے آزادی جدوجہد اور مسلمانانِ ہند کے ساتھ ساتھ عالم اسلام کے مسائل، موقف، معاملات اور واقعات احسن طریقے سے پیش کیے اور وقت کے سامنے صحیح صورت حال رکھی۔ ڈان نے برصغیر پاک و ہند کے دس کروڑ مسلمانوں کی آواز کو بلند کیا۔ قیام پاکستان کے وقت روزنامہ ڈان اور اس قسم کے دیگر اخبارات کے روزانہ اشاعت کا اندازہ تقریباً 50 ہزار پرچے تھے۔ روزنامہ ڈان نے وقت کے تقاضوں کو پیش نظر رکھا اور انگریزی زبان میں مسلم صحافیوں کی شدید قلت کے باوجود مسلم دشمن عناصر، صحافی، اخبارات اور رسائل کا مقابلہ بڑے جوش و جذبے سے جاری رکھا۔ جبکہ غیر مسلم اخبارات اور پرچے کثرت اور وسائل سے مضبوط تھے اور وہ بڑے پیمانے پر مسلمانوں کے خلاف منفی پروپیگنڈے کر رہے تھے۔[3][4]
روزنامہ ڈان کی ایک خوبی یہ تھی کہ اس نے مستقبل کے صحافیوں کے لیے اعلیٰترین تربیت گاہ کا کردار ادا کیا اور یہ حقیقت ہے کہ انگریزی صحافت میں بے شمار صحافیوں کا ظہور روزنامہ ڈان کے باعث ہوا۔ روزنامہ ڈان نے تقریباً سات دہائیوں سے کامیابی سے اپنی اشاعت کو برقرار رکھا ۔کراچی کے علاوہ اسلام آباد، لاہور، پشاور، کوئٹہ اور ملک کے دیگر بڑے شہروں میں بھی ڈان کے دفاتر موجود ہیں۔
 | |
 1 جنوری 2015 کا سرورق | |
| قسم | روزنملدلامہ |
|---|---|
| ہیئت | وسیع ورق |
| مالک | ڈان میڈیا گروپ |
| بانی | محمد علی جناح[1] |
| مدیر | ظفر عباس |
| آغاز | 26 اکتوبر 1941ء |
| سیاسی صف بندی | آزاد خیال, centrist and مترق[2] |
| زبان | انگریزی |
| صدر دفتر | کراچی, پاکستان |
| آئی ایس ایس این | 1563-9444 |
| ویب سائٹ | dawn.com |
حمید ہارون چیف ایگزیکٹیو جبکہ عباس ناصر ڈان کے موجودہ ایڈیٹر ہیں۔
ڈان گروپ
ترمیمڈان گروپ آف نیوز پیپرز روزنامہ ڈان کے علاوہ ہیرالڈ، شام کا اخبار دی سٹار اور آئی ٹی میگزین سپائیڈر بھی شائع کرتا ہے ۔
ڈان نیوز ٹی وی
ترمیمڈان گروپ نے 25 مئی 2007ء کو پاکستان کے سب سے پہلے انگریزی چینل "Dawn News" کی نشریات کا آغاز بھی کیا۔
حوالہ جات
ترمیم- ↑
- ↑ Durrani، Ammara (2009)، "Pride and Proliferation: Pakistan's Nuclear Psyche After A. Q. Khan"، South Asian Cultures of the Bomb: Atomic Publics and the State in India and Pakistan، Indiana University Press، ص 103
- ↑ "محمد علی جناح"۔ بنگلہ پیڈیا۔ 2008-05-10 کو اصل سے آرکائیو کیا گیا۔ اخذ شدہ بتاریخ 2008-10-24
- ↑ "میوٹنی سے ماؤنٹ بیٹن"۔ ناشر جامعہء کولمبیا۔ 2006-01-12 کو اصل سے آرکائیو کیا گیا۔ اخذ شدہ بتاریخ 2008-10-24