ضلع سکھر

; District Sukkur
	ضلع سکھر
	سکھر پل
	; ضلع سکھر کا نقشہ سرخ رنگ میں آویزاں ہے
ملک	پاکستان
صوبہ	سندھ
مرکزی شہر	سکھر
تشکیل	1843؛ 181 برس قبل
انتظامی تقسیم	۵ نیو سکھر تعلقہ; پنو عاقل تعلقہ; روہڑی تعلقہ; صالح پٹ تعلقہ; سکھر شہر تعلقہ;
حکومت
• قسم	قصبہ بلدیاتی تنظیم (ٹاؤن میونسپل کارپوریشن)
• قائم مقام منتظم (ڈپٹی کمشنر)	ڈاکٹر ایم-بی راجہ دھاریجو
• انتخابی حلقے	این اے۔200 (سکھر۔1); این اے۔201 (سكهر۔2)
رقبہ
• کل	5,165 کلومیٹر2 (1,994 میل مربع)
بلندی	64 میل (210 فٹ)
بلند ترین مقام	163 میل (535 فٹ)
پست ترین مقام	41 میل (135 فٹ)
آبادی (مردم شماری پاکستان ۲۰۲۳ء)
• کل	1,625,467
• کثافت	310/کلومیٹر2 (800/میل مربع)
نام آبادی	کراچی والے
رمزیہ ڈاک	65200
ٹیلی فون کوڈ	071
آیزو 3166 رمز	PK-SD

ضلع سکھر پاکستان کے صوبہ سندھ کے سکھر ڈویژن کا ایک ضلع ہے جو 1843ء میں قائم ہوا۔ مردم شماری پاکستان ۲۰۲۳ء کے مطابق ضلع سکھر کی آبادی سولہ لاکھ پچیس ہزار 1,625,467 افراد پر مشتمل ہے۔

تاریخ

میر شیر علی قانع لکھتے ہیں

سید محمد مکی بکرہ (پوپٹھنے) کے وقت یہاں داخل ہوئے تھے تو انھوں نے کہا ,جعل اللہ بکرتی فی البقعةالمباركة. اللہ تعالیٰ نے میری صبح مبارک مقام پر کرائی ہے اس کے بعد لوگوں کی زبان پر اس مقام کا نام بکرہ رواں ہو گیا آہستہ آہستہ بدل کر (بکھر)بن گیا

زبانیں

ضلع سکھر کی زبانیں (مردم شماری پاکستان ۲۰۲۳ء کے مطابق)

سندھی (86.08%)

اردو (8.97%)

پنجابی (1.74%)

دیگر (3.21%)

محل وقوع

ضلع سکھر بالائی سندھ میں دریائے سندھ کے کناروں پر واقع ہے۔ اس کے شمال مغرب میں ضلع شکارپور، شمال میں ضلع کشمور، مشرق میں ضلع گھوٹکی اور جنوب و جنوب مغرب میں ضلع خیرپور واقع ہے۔

انتظامی تقسیم

ضلع انتظامی طور پر چار تحصیلوں (تعلقوں) میں تقسیم ہے:

اہمیت

ضلع کا صدر مقام سکھر شہر ہے، جو سندھ کے اہم شہروں میں سے ایک ہے۔ بالائی سندھ میں سکھر سب سے بڑی شہری آبادی کا حامل شہر ہے اس لیے یہ علاقے کاروباری، صنعتی و ثقافتی لحاظ سے ایک خاص اہمیت رکھتا ہے۔

علاوہ ازیں یہاں کا سکھر بیراج سندھ کے نہری نظام میں ریڑھ کی ہڈی کی حیثیت رکھتا ہے جبکہ یہاں کا صنعتی علاقہ بالائی سندھ کی صنعتی ضروریات پوری کرتا ہے۔

پنو عاقل میں ملک کی بڑی عسکری چھاؤنیوں میں سے ایک واقع ہے۔ صالح پٹ زیادہ تر دیہی علاقوں پر مشتمل ہے۔ ان 5 تحصیلوں میں سے بلحاظ آبادی و رقبہ روہڑی سب سے چھوٹی تحصیل ہے، لیکن تاریخی اعتبار سے اور اہم ریلوے اسٹیشن کے باعث اس کی اہمیت زیادہ ہے۔

دریائے سندھ سکھر اور روہڑی کے شہروں کے درمیان سے گزرتا ہے جہاں اس پر سکھر بیراج تعمیر کر کے اس سے کل 5 بڑی نہریں نکالی گئی ہیں۔ دونوں شہروں کے درمیان نقل و حمل کے لیے ایک ریلوے پل اور سکھر بیراج کے علاوہ دو عام گاڑیوں کے لیے پل شامل ہیں۔ ان میں لینس ڈاؤن پل کو تاریخی اہمیت حاصل ہے۔

اعداد و شمار

**ضلع سکھر کی تحصیل، یونین کونسل اور دیہات**
تحصیل	آبادی بمطابق (2023ء)	رقبہ (مربع کلومیٹر)	یونین کونسلیں	دیہات
نیو سکھر تعلقہ	356,163	274	20	78
سکھر شہر تعلقہ	266,940	-	-	-
روہڑی تعلقہ	421,500	1319	11	550
صالح پٹ تعلقہ	137,738	2339	03	297
پنو عاقل تعلقہ	443,126	1233	12	516
کل	1,625,467	5165	46	1441

1998ء کی قومی مردم شماری کے مطابق ضلع سکھر کی کل 49.76 فیصد آبادی شہری ہے، اس طرح یہ صوبہ سندھ کا تیسرا سب سے زیادہ شہری آبادی کا حامل ضلع ہے۔

مشہور شخصیات

ضلع سکھر سندھ کی سیاست میں اہم کردار کا حامل ہے اور یہاں سے کئی مشہور شخصیات اعلی سرکاری عہدوں پر فائز رہی ہیں جن میں سے چند درج ذیل ہیں:

عبد الستار پیرزادہ - سابق وفاقی وزیر قانون
حفیظ پیرزادہ - سابق وفاقی وزیر قانون
اسلام الدین شیخ - سابق وفاقی وزیر تعلیم
خورشید شاہ - سابق وفاقی وزیر تعلیم، موجودہ وفاقی وزیر محنت و افرادی قوت (بمطابق 2009ء)
اسد اللہ بھٹو - امیر جماعت اسلامی سندھ (بمطابق 2009ء)