طومار

مزید دیکھیے: طومار باندھنا، طومار بنا کھڑا کرنا، طومار باندھنا، طومار طرازی، طومار کرنا، طومار کے طومار، طومار کھولنا، طومار لگانا، طومار لگنا، طومار نویس، اور طومار نویسی

اردو

اشتقاقیات

• طُومار عربی زبان کا لفظ ہے جس کا مادہ ط، و، م سے مشتق ہوا ہے۔ اردو زبان میں پہلی بار 1665ء میں استعمال ہوا۔

اسم

طومار مذکر

• طویل کہانی یا قصہ۔ کنایۃً طول یا لمبائی کے لیے بھی کہتے ہیں۔
• تحریروں یا بیانات کا ایک بڑا مجموعہ۔
• کاغذ کی ایک لمبی پٹی جس پر لکھتے وقت ساتھ ساتھ لپیٹتے جاتے ہیں۔
• جھوٹی باتیں، مبالغہ آمیز بیان یا تحریر، من گھڑت قصہ کہانی۔
• لپٹا ہوا کاغذ، کاغذ کا دستہ یا بڑا سا پلندہ۔
• کتاب، جِلد، حساب کا رجسٹر۔
• ڈھیر (کثرت کے لیے مستعمل)۔
• بہتان، فساد یا ہنگامہ۔
• تعویذ، ٹونا، جادو (عموماً تعویذ یا جادو کے لیے مستعمل ہے)۔
• مکتوب یا خط جو معمول سے زائد ہو یعنی جس مکتوب یا خط کی تحریر طوالت رکھتی ہو۔
• خط کی ایک قسم کو بھی کہتے ہیں۔
• فوج کا ایک پرا، صف، قطار (سیاسی اصطلاحات میں مستعمل ہے)۔