Ar-Riyod

Ar-Riyod (arabcha: الرياض‎ Ar-Riyoz – bogʻ, xiyobon) – Saudiya Arabistonining poytaxti, eng yirik shahri va Najd viloyatining maʼmuriy markazi. Aholisi taxminan 2,2 mln. kishi (1992, shahar atrofi bilan). Shaharning qachon barpo etilgani toʻgʻrisida aniq maʼlumot yoʻq. 1821 – 19 asr 2-yarmidan (vaqti-vaqti bilan) Saudiylar davlatining poytaxti, 1902 yildan Najd amirligi, 1927—32 yillarda Hijoz, Najd va boshqa qoʻshib olingan viloyatlar, 1932 yildan Saudiya Arabistoni poytaxti. Hozirgi Ar-Riyod—Saudiya Arabistonining yirik sanoat, savdo va madaniy markazi. Ar-Riyodda issiqlik elektr stansiyalari, binokorlik materiallari ishlab chiqaradigan, neftni qayta ishlovchi zavodlar, koʻplab hunarmandchilik korxonalari bor. Qishloq xoʻjaligi mahsulotlari qayta ishlanadi. Ar-Riyod Dammam porti bilan temir yoʻl orqali bogʻlangan. Havo yoʻllari orqali Ar-Riyod mamlakatning yirik shaharlari va bir qancha chet mamlakatlar bilan bogʻlangan. Shaharda harbiy akademiya, universitetlar, oliy texnika instituti bor.

Havolalar

• Riyod shahrining rasmiy vebsayti (Wayback Machine saytida 2009-01-27 sanasida arxivlangan) ^(ingl.)
• Riyod shahrining xaritasi (Wayback Machine saytida 2012-11-11 sanasida arxivlangan) ^(ar.)