Salamanka

Salamanka — Ispaniyaning markaziy qismidagi shahar, KastiliyaLeon muxtor viloyatida, Termes daryosi sohilida. Salamanka provinsiyasining maʼmuriy markazi. Aholisi 349,5 ming kishi (1998). Transport yoʻllari tuguni. Oziqovqat, toʻqimachilik, koʻnteri sanoati korxonalari, 2 universitet (qarang Salamanka universiteti) bor. Shahar mil. av. 5-asrdan maʼlum. S. karfagenliklar (mil. av. 3-asr), rimliklar (mil. av. 2-asr), arablar (8—11-asrlar) qoʻl ostida boʻlgan. Meʼmoriy yodgorliklardan 12— 18-asrlarga oid sobor, universitet binosi va boshqa saqlangan.