Traxit

Traxit (yun. trachys — gʻadirbudir) — odatda, porfirli, kaynotip togʻ jinsi. Porfirsimon strukturali, tarkibidagi minerallari, asosan, sanidin, oz miqdorda plagioklaz, biotit, piroksen yoki amfibollardan iborat. Traxit siyenitnpng effuziv analogi boʻlib, nisbatan kam tarqalgan togʻ jinsi. Unda 60% gacha kremniy kislota va 10% gacha ishqor boʻladi. Zichligi 2,5 g/sm3. Gʻadirbudir koʻrinishga ega. Shishali Traxit (obsidian, pemza) va Traxitli tuflar mavjud. Rangi och kulrang, sariq va qizgʻish. Chiroyli rangli turlari dekorativ va bezak toshlar sifatida ishlatiladi. Traxit Kavkaz, Italiya, Fransiya va boshqa joylarda uchraydi.