Posada (cuerto)

Col termane posada se ghe intende dire a on ordegno (cofà on piron, on cuciaro) che el serve par magnare o cuxinare, scansando el contato intrà łe man e el magnare.

Posade in arxento

Le posade xeneralmente e prinçipalmente łe xe fate in metało, on tenpo i jera in fero o arxento, uncò inveçe costruii in açaio inosidabiłe, ma i ghe xe anca in legno, corno o porsełana.

Par ła rapida ristorasion o par ocaxion andove no ghe xe posibiłità de lavar łe posade cofà in on picnic o feste, ghe xe posade fate in plastega monodoparasion, xeneralmente insachetae par motivason de ixene.

Le posade łe se difarensia intrà łe posade da toła, varia a dire chełe doparae par magnare, e łe posade de servisio, łe sipia chełe doparae par servire in toła o chełe doparae in cuxina par ła preparasion del magnare.

Servisio de posade

Co i piati e i goti łe fa parte del servisio da toła

Cuerto

Le posade doparae inte on cuerto conpleto.

El cuerto el ciapa on difarente numaro de posade, da tre (in te ła version pì senpliçe) a molte de pì in tel caxo de pareciadure formałi, co tante portade.

• Da toła:
  • Cuciaro
  • corteło da toła
  • Piron (i połe esare do o pì)
• Da pese:
  • corteło da pese (lama no afinada)
  • piron da pese
• Da fruta:
  • pironeto
  • corteło
• Da dolçe
  • sculiero da dolçe (mixura media)
  • Piron da dolçe (media e xeneralmente co on bordo semi-tajente)
  • sculiero da jełato
• Da cafè:
  • sculierin picenin, no'l se cata in toła, ma el njien portà co ła çicara da cafè.

Da servisio in toła

• minestro
• minestrin da salsa
• posade da sałata
• pirona da rosto, (co denti longhi)
• corteo da rosto, (co łama longa)
• sculiero de servisio (grando)
• sculiero da sucaro
• corteło da butiro
• pironeto da sotoaxeo
• pałeta da dolçe

Cuxina

• pirona
• menestro
• spumaroła
• sculiero graduà
• cortełi da cuxina
• trinsante (pa'l połastro)

Bachetei

In tei paexi orientałi (Republica Popołare Cinexe, Japon, Corea del Nord, Corea del Sud e altri) al posto de łe posade che ni'altri doparemo, se costuma doparare i bachetei del magnare. Tutavia sta tradision ła xe sta inportà in oçidente in alguni tipeghi locałi a tema orientałe, cofà intrà i tanti, i ristoranti cinexi.

Gałaria de łe someje

• 
  Posade da tuto el mondo: Bachetei, sculiero in porsełana, cuciaro da dolçe, cuciaro da toła, piron, corteło da toła, corteło da pese.
• 
  Posace todesche, dopo el 1888
• 
  Posade doparae da ła fin de l'Ottocento in alpaca
• 
  Posade de servisio da sałata de fin Ottocento