Dallas Mavericks

Dallas Mavericks
	;
Dati
Sorte	scuadra de bałacanestro
Creasion	1980
Fondador	Don Carter (it)
Atività
Spor	Bałacanestro
Liga	NBA (1980–)
Stàdio	American Airlines Center (it) : Dallas (Texas) (2001–). 19 200
Governo d'impresa
Ałenador	Jason Kidd (it) (2021–)
Propietàrio	Mark Cuban
Parte de	NBA Southwest Division (it)
Sito web	mavs.com
	Pozision

I Dallas Mavericks i ze una de łe trenta scuadre de basket che łe zoga inte ła NBA, el canpionado de basket de i Stati Unii; ła só sede ła ze al American Airlines Center de Dallas, e i ze nasùi inte el 1980 donca bastansa tardi in confronto a cheł'altre scuadre. El nome el vien da ła serie tełeviziva western “Maverick”, anca parché uno de i primi paroni el jera uno de i atori.

Storia de ła scuadra

El primo ano no'l ze mìa stà bon, A se pensa anca par el fato de ver pontà so zogadori zóvani e sensa esperiensa, ma za l'ano dopo i Mavericks i ga fenìo ła stajon rivando anca a i playoffs, dove che A se ga metùo in mostra Mark Aguirre: co łu, Brad Davis e Rolando Blackman inte i ani dopo i ze riusìi a deventar una de łe pì forte scuadre de ła NBA. Da'l 1988 A ze rivà na łonga serie de canpionadi bruti anca se A ghe jera el playmaker Jason Kidd, che i se ga zlongà fin a i ani Domiłe, fin che A ze rivà un novo paron che el ga portà co łu Dirk Nowitzki, destinà a deventar el sìnboło de i Mavericks fin uncuò. Intorno de łu pian pian A se ga zontà zogadori boni come Marquis Daniels, Jamal Magloire, Shawn Marion, Predrag “Peja” Stojakovic e altri ma, sora de tuto, A ze stà sistemà i problemi che i gaveva inte el reparto defensivo: in 'sta manjera inte el 2021 i ze stài boni de vìnsar el só primo tìtoło NBA batendo in finałe i Miami Heat.

Come che càpita racuante volte, dopo de 'sta gran roba A ghe ze stà ani de pasajo, dovùi anca a ła véndita de alcuni zogadori o in onji cazo a na scarsa braura de ver continuità in canpo; inte 'sti ùltemi ani A ghe ze oncora Nowitzki come veteran che el zoga ben e, pian pian, a ghe ze calche zóvane intaresante par el futuro.

Wikimedia Commons el detien imàjini o altri file so Dallas Mavericks
Scholia el detien schemi gràfeghi so Dallas Mavericks

Controło de autorità	VIAF (EN) 140751910 · LCCN (EN) n82253456 · WorldCat Identities (EN) n82-253456