Foursquare
Foursquare xe on servisio de rète sociałe baxà so la jeolocalixasion che xe disponìbiłe grasie al web e aplicasion par telefoni. I utenti i fa el check-in (la rejistrasion de la propria poxision) so la version browser del sito o traerso le aplicasion so dispoxitivi che i dopara el GPS. I check-in i xe ripagai co punti e tal olta co dei "badge". El servisio l'è sta fato da Dennis Crowley e Naveen Selvadurai; i do ga scuminsià a fare la prima version de Foursquare inte el autuno del 2008 e i o ga lansà inte el Southwest Interactive de Austin, in Texas inte el marso del 2009. Crowley ghea creà oncor prima on projeto caxi conpagno dal nome Dodgeball, che l'è sta cronpà da google inte el 2005 e meso offline inte el 2009 par d'asar spasio a la nova app Google Latitude.
 | |
| |
| URL | http://www.foursquare.com |
|---|---|
| Sorte | servisio de rète sociałe de jeolocalixasion e tour |
| Iscrision | Nesesaria e libara |
| Exlogan | Andove che conta |
| Łéngua | Multiłengoa |
| Creator | Dennis Crowley, Naveen Selvadurai |
| Entrada in servìsio | 2009  |
| Sede | New York |
| Stato | Stati Unii de l'Amèrica |
| Clasìfega Alexa | 2 203 (29 de novenbre del 2017) 2 379 (29 de apriłe del 2019) |
    | |
Al fin del 2009 Foursquare xe rivà a 100.000 utenti. Inte el'agosto del 2010 i responsàbiłi del servisio social i ga comunicà publicamente de esar rivai a 5 milioni di utenti rejistrai.
El 1º setembre del 2010 la dita ga vinto el premio Technology Pioneer al World Economic Forum.
El 20 jugno 2011 el social xe rivà ai 10 milioni de utenti, anca se a l'inisio del 2011 ghea solo 6 milioni de utenti, cuindi el ga vuo na cresita del 67%.
Inte el'aprile 2012 Foursquare xe rivà 20 milioni de rejistrasion, de ver suparà i 2 miliardi de check-in, e de ver asistio pì de 750.000 comersanti co la so piataforma.
Inte el xenaro 2013 Foursquare ha comunicato di aver raggiunto i 30 milioni di utenti registrati e 3 miliardi di "check-in".
Inte el febraro 2014 Microsoft ga investio in Foursquare pì de 162 milioni di dolari, portando la valutasion de marcà de la dita a oltre 600 milioni de dolari.
Ntel majo 2014 Foursquare lansa l'app Swarm, disponìbiłe par iOs, Android e Windows Phone, un spin-off dedicà ai check-in e a la competision co i so amici. Foursquare perde par sto cuà la funsion de check-in e el tien chela esploradiva.
Wikimedia Commons el detien imàjini o altri file so Foursquare
el detien schemi gràfeghi so