Kinder Bueno

Kinder Bueno ła ze na confesion contenjente do barete de ciocołato produzesta da ła Kinder, łinea dedicada al ciocołato de ła Ferrero. A se trata de un wafer crocante inbonìo de crema a ła nozeła e infarsìo de ciocołato al łate.

Kinder Bueno
Marca	Ferrero S.p.A.
Data creasion	1990
Slogan	Bontà a cuor leggero (Bontà a cuor łixiero)
Ingredienti	Ciocołato al łate 31,5% (sùcaro, butiro de cacao, pasta de cacao, łate scremà in pólvare, butiro anidro, emulsionante: łecitina de soja; aromi), sùcaro, ojo vezetałe (ojo de palma), farina de forménto, nozełe (10,8%), łate scremà in pólvare, łate intièro in pólvare, ciocołato (sùcaro, pasta de cacao, butiro de cacao, emulsionante: łecitina de soja; aromi), cacao magro, emulsionante (łecitina de soja), azenti łievitanti (carbonà acido de sodio, carbonà d'amonio), sałe, aromi.
Sito ufisiałe

Kinder ła ze ła paroła todesca che ła sta par "putèłi" mentre Bueno el ze ła paroła spanjoła che ła sta par "bon".

Distribusion

Kinder Bueno

El Kinder Bueno el ze stà zlansà so'l marcà inte'l 1991 in Itałia e drioman in Zarmania e el ze venjesto presto rendesto disponibiłe in Braziłe, Arzentina, Cołonbia, Mèsego, Malaysia, Singapore, Izraełe e Gresia da metà ani novanta. Ła distribusion ła se ga zlargà anca a Ł ła Spanja ed a ła Fransa inte'l 1999 ed a'l Canada, a l'Austrałia ed al Renjo Unìo da'l 2004. El prodoto el ze anca reparibiłe in Croasia, Zlovenia e Serbia e inte i USA.

Variànse

Da magio 2006 ła Kinder ła ga zlansà so'l marcà na variansa de'l Kinder Bueno, el Kinder Bueno White, che'l infarsìo de ciocołato bianco e coverzesto de crema al łate; inisialmente ła jera na varsion łimitada, drioman ła ze stà vendùa stabilmente. Ła variànsa Kinder Bueno Dark, co covertura de ciocołato fondente, ła ze invese stà zlansà cofà edision łimitada inte'l 2016 e reproponesta in Otobre 2018.

Promosion

Ła promosion del prodoto ła ze stà afidà in Europa ad alguni canpioni de'l spor, utiłizando el steso format ma protagonisti diversi a segonda de'l paeze de mesa in onda de ła publisità tełeviziva. Intrà i altri A se pol sitar i zogadori de bałacanestro Boris Diaw e Tony Parker, el zogador de calcio Didier Drogba e l'atleta Andrew Howe, par ła canpanja publisitaria mandà in onda in Itałia. Fin al 2017 ła publisità ła zera costituìa da calche epizodio de furbìsia in vita cotidiana par torse i pochi Kinder Bueno restài. A ze sta fata anca na publisità par l'Epifania inte ła cuała ła vècia no ła se vol destacar dai só Kinder Bueno e ła inventa pretesti par no portarli. Atualmente ła canson de sotofondo ła ze Walking the Wire dei Imagine Dragons.

Voxe corełade

• Kinder (Ferrero)
• Ferrero (azienda)
• Andrew Howe

Altri projeti

Altri progetti

• Wikimedia Commons

• Wikimedia Commons el detien imàjini o altri file so Kinder Bueno
• el detien schemi gràfeghi so