Manciùria

Manciùria
	(mnc) ᡩᡝᡵᡤᡳ ᡳᠯᠠᠨ ᡤᠣᠯᠣ; (zh-hant) 滿洲; (zh-hans) 满洲; (ru) Маньчжурия; (zh-hant) 關東; (zh-hans) 关东; (zh-hant) 關外; (zh-hans) 关外; (zh-hans) 东三省; (zh-hant) 東三省; (ja) 満洲（まんしゅう）
	;
Sorte	Rejon istòrega
Epònemo	manciù
Posto
Continente	Àzia
Formà da	Inner Manchuria (en) ; Manciùria esterna

La Manciùria (AFI: /manˈʧurja/^(VEC)) anca conosesta col so nome ufisałe de Dongbei Pingyuan (東北平原 ^T, 东北平原 ^S, Dōngběi Píngyuán^P, letaralmente "Pianura del Nordest de ła China") ła ze na rejon de l'Àzia nord-orientałe. Secondo l'interpretasion domenante, sta cuà ła coinside co un'àrea che ła casca intieramente inte ła Cina, ma łe ghe ze anca interpretasion pì larghe, inte łe cuałe sta cuà ła se estendària anca par de là del fiume Amur, ciapando drento de consevensa anca na parte de ła Sibèria formada da ła parte orientałe del teritòrio de l'Amur, ła parte sud del Teritòrio de Chabarovsk e el Teritòrio del Litorałe.

Clima

El clima el ze bastansa fresco e piovozo de istà e estremamente fredo in inverno: ła tenperatura mèdia de na sità interna, cofà Harbin, łe se move da torno dei 20° soto del zero in Zenaro, co mìnime anca de tanto inferiore. Vladivostok, invese, piasada su l'osèan, ła ze pì fresca d'istà e tanto manco freda d'inverno, ma isteso co tenperature mèdie negative.

Economia

La Manciùria ła ze sta ła prima rejon cineze a conósar el moderno proceso de industriałizasion. Dopo de ła nàsita de ła Repùblega Popołare Cineze, ła Cina nord-orientałe ła ze nda vanti devegner ła rejon pì industriałizada del paeze. Inte i ùltemi ani, tutavia, l'indùstria pezante inte ła cuała sta zona ła bazava ła so economia ła ga conosesto na faze de stagnasion, propio co che el goerno de Pechin el zera drio asionar el proceso de privatizasion e lìbarałizasion del marcà. El goerno, isteso, par far fronte al problema, el ga varà el programi de revitałizasion del teritòrio.

Demografia

Le tre province de Heilongjiang, Jilin, e Liaoning łe ga na popołasion totałe paro a 107.400.000 persone. Granda parte dei abitanti i partégne a l'etnia Han. I manciù, siben-ché raprezentando oncora na menoransa signifegadiva, i ze stai totalmente somejai co l'etnia Han. Tanti cinezi Han che i abita inte ła Cina nord-orientałe, tutavia, i połe a bon derito revendegare na meza orìzene manciù. Łe ghe ze anca menoranse móngołe e coreane.

Łéngua

La łéngua orìzenària de ła Manciùria, defìnia łéngua manceze o łéngua manciù, ła ze pròsima a l'estinsion.

Istòria

El teritòrio de ła Manciùria ła ghea vedesto l'invazion de l'inpero nipònego ocupà a espànderse in oriente in serca de matèrie prime contro de ła grave crize industriałe che ła zera drio sorbirse in cheła època. Dai primi ani del 1900 el japon el gaveva investio grandi capitałi econòmeghi in Manciùria inte ła costrusion de ła lìnea feroviària "transmanciuriana" longa sirca 1000 chiłòmetri. Dal 1915, in forsa de un tratà intrà Cina e Japon, el japon el gaveva cronpà tuti i priviłeji, deriti e propietà, rełasionai co ła transmanciuriana.

Voze corełae

Manciuko

Notasion

Altri projeti

Wikimedia Commons el detien imàjini o altri file so Manciùria
Scholia el detien schemi gràfeghi so Manciùria

Linganbi foresti

ManciuriaTreccani.it – Enciclopedie on line, Istituto de ła Ençiclopedia Italiana.
Manciuria, in Disionàrio de istòria, Istituto de ła Ençiclopedia Italiana, 2010.
(EN) ManchuriaEnçiclopedia Britannica, Encyclopædia Britannica, Inc.

Controło de autorità	VIAF (EN) 316429923 · LCCN (EN) sh85080399 · GND (DE) 4074528-4 · NDL (EN, JA) 00567459 · WorldCat Identities (EN) 316429923