Pato tripartio

Pato tripartio
	日独伊三国同盟
ID de leje o regołamento	昭和15年条約第9号
Sorte	tratà internasionałe ; multilateral treaty (en)
Data del całendàrio	27 de setenbre del 1940
Pozision	Berlin (Zermània)
Partesipador	Zermània nazista ; Regno d'Itàlia ; Inpero japoneze

El Pato tripartio o Tratà tripartio (dizesto anca "Ase Roma-Berlin-Tokyo") el ze sta un acordo sotoscrivesto a Berlin inte el 27 de setenbre del 1940 dal goerno del Terso Reich todesco, dal Regno de Itàlia e da l'Inpero japoneze col fine de reconósar łe àree de influensa in Eoropa e Àzia. In Itàlia sto cuà el ze sta suito rebatezemà "Roberto", acrònemo de Roma-Berlin-Tokyo.

Oficiozamente, secondo el tratà, ste tre potense łe se lejitimava el derito de potensa "guida", cadauna inte na pròpia àrea: l'Eoropa par ła Zermània, el Mediteràneo par l'Itàlia e l'Estremo Oriente par el Japon.

Firmatari

El pato el ze sta firmà da raprezentanti del Terso Reich (Joachim von Ribbentrop), de l'Inpero japonze (anbasador japonezo in Zermània Saburō Kurusu) e del Regno d'Italia (ministro dei èsteri Galeazzo Ciano).

Inte i mezi seventi el pato el zera vegnesto sotoscrivesto da:

Regno de Ungaria (Pál Teleki), el 20 de novenbre 1940^[1];
Regno de Romania (Ion Antonescu) el 23 de novenbre 1940^[1] ;
Repùblega Slovaca (Vojtech Tuka) el 24 de novenbre 1940^[1] ;
Regno de Bulgaria (Bogdan Filov) el 1º marso 1941^[2];
Regno de Jugoslavia (Dragiša Cvetković) el 25 de marso 1941^[3];
Stato Indipendente de Croàsia (Ante Pavelić) el 15 de zugno 1941^[1].

Łe ze stae par de pì parte formanti el Pato tripartio racuanti dei liai del Japon la repùblega de Nanchin e, partindo dal 15 de febraro del 1942, la Thailandia e el Manciukuò^[4].

Notasion

↑ ^1,0 ^1,1 ^1,2 ^1,3 Royal Institute of International Affairs, Chronology and Index of the Second World War, 1938-45, Greenwood, 1947 ISBN 0-88736-568-X, p. 40.
↑ Chronology and Index of the Second World War, 1938-45, p. 48.
↑ Chronology and Index of the Second World War, 1938-45, p. 51.
↑ Nish, Ian Hill (2002). Japanese foreign policy in the interwar period. Greenwood Publishing Group. p. 166. ISBN 978-0-275-94791-0.