Ua

L'ua, talvolta scrivesto ùa (o uva) ła xe el fruto de ła Vitis vinifera, ciamada comunemente vigna, vegna o vida, e de altre spece o ibridasion del zènaro Vitis.

Ua

Dati

Descrision

Ła se prexenta soto forma de graspi (diti anca simi), che i tien ognuno un çerto numaro de grani, che i pol èsar de cołor zało-verde par ła ua bianca, o de cołor vioła par ła ua nera. El gran a so volta l'è fato da ła scorsa, ła polpa e łe miołe, o sia i sémi.

La ua ła se dopara soratuto par far el vin, ma anca par magnarla fresca (ua da toła) o secà ("uva passa" o ueta, doparà par far i dolsi); infine se pol far el succo de ua (che no xe alcołico) e dai semi se pol far l’ojo de vinacioli.

Spece

Un fiłar de vegne

Łe specie de vegne piesè inportanti par ła produsion de ua łe xe do:

1. la Vitis vinifera, originaria de l'Europa, da ła qual deriva tuti i vitigni europei da cui se produxe el vin e ła ua da toła;
2. la Vitis labrusca, orixenaria de ła Mèrica del Nord, destinà prinçipalmente par far ła ua da toła e marxinalmente anca par ła produsion del vin.

Produsion

I 10 majori produtori de ùa inte el 2018
Stato	Produsion (tonełae)
Cina	13.397.012
Itàłia	8.513.643
Stati Unii de l'Amèrica	6.890.970
Spagna	6.673.481
Fransa	6.198.323
Turchia	3.933.000
Ìndia	2.920.000
Arzentina	2.573.311
Ciłe	2.500.000
Iran	2.032.031
Mondo	79.125.983

Altri projeti

Altri progetti

• Wikimedia Commons

• Wikimedia Commons el detien imàjini o altri file so ùa
• el detien schemi gràfeghi so

Linganbi foresti

• uvaTreccani.it – Enciclopedie on line, Istituto de ła Ençiclopedia Italiana.