Ispanijan kel'

Ispanijan kelen kirjamišt
A	B	C
D	E	F
G	H	I
J	K	L
M	N	Ñ
O	P	Q
R	S	T
U	V	W
X	Y	Z

Ispanijan vai Kastilijan kel' (ičeze nimitused: español, castellano) om ibero-romanine kel'. Ispanijan kirjutuzkel' om latinan kirjamišton pohjal.

Ispanijan kelen leviganduz vl 2020: oficialine status kaikes valdkundas om znamoitud muzasinižel mujul, toine oficialine status om kuvatud sinižel mujul, regioniš taivazman polhe se om kul'turan kel' vai kahtenz' kel' pagižijoiden enamba mi videndesen täht

Reguliruindorganizacii om «Ispanijan kelen akademijoiden associacii» (isp.: Asociación de Academias de la Lengua Española, ASALE) vspäi 1951, päfater sijadase Madridas, om 22 ühtnijad mail'madme.

Oficialine status

Ispanijan kel' om ÜRO:n kuden oficialižen kelen keskes. Se om valdkundkel' Argentinas, Bolivijas, Čiliš, Dominikanižes Tazovaldkundas, Ekvadoras, Ekvatorialižes Gvinejas, Gondurasas, Gvatemalas, Ispanijas, Kolumbijas, Kostarikas, Kubas, Meksikas, Nikaraguas, Panamas, Paragvaiš, Perus, Sal'vadoras, Urugvaiš, Venesuelas. Mugažo se om oficialine kel' EÜ:s, N'ju Meksiko-štatas (AÜV), Puerto Rikos (AÜV:oiden rippui territorii) i Päivlaskmaižes Saharas.

Pagižijoiden lugu

Pagižijoiden lugu — 480 mln ristituid mamankeleks (2017) da 90 millionad kahtendeks keleks. Kaikiš järedambad ispanijankel'žed valdkundad (2017, pagižijoid kuti mamankel' i toine kel') oma Meksik (121 mln), AÜV (58 mln), Kolumbii (49 mln), Ispanii (46 mln), Argentin (43 mln).

Lugusanad

• uno — üks'
• dos — kaks'
• tres — koume
• cuatro — nell'
• cinco — viž
• seis — kuz'
• siete — seičeme
• ocho — kahesa
• nueve — ühesa
• diez — kümne
• veinte — kaks'kümne
• treinta — koumekümne
• cien / ciento — sada
• mil — tuha

Frazad

• Hola! — Tervhen!
• ¿Cuál es tu nombre? — Kut sindai kuctas?
• ¿De dónde eres? — Kugalaine oled?
• ¿Donde vives? — Kus sinä eläd?
• ¡Te veo! — Nägemižhesai!
• Gracias. — Kitän.