Kolomn

Kolomn
Коломна
Lidnanznam;	Flag;
Valdkund	Venäma
Eläjiden lugu (2024)	132,247 ristitud
Pind	65,1 km²
Telefonkod	+7−4966-xx-xx-xx
Avtokod	50, 90, 150, 190, 750
Aigvö	UTC+3 (MSK+0)

Kolomn (ven.: Коло́мна) om Venäman lidn Moskvan agjan suvipäivnouzmas. Se om Kolomnan lidnümbrikon administrativine keskuz (edel vn 2017 sulakud kaks' municipalitetad oli — Kolomn-lidn i Kolomnan rajon), sen suremb lidn kahtespäi, agjan ühesanz'-kümnenz' lidn eläjiden lugun mödhe.

Istorii

Eländpunkt mainitase vspäi 1177 lidnan statusanke. Kolomnan alusenpanend tegihe vll 1140..1160 arheologijan andmusiden mödhe. Oli Kolomnan ruhtinazkundan keskuseks alusenpanendaspäi vodhesai 1301, sil-žo aigal ruhtinazkund oli Räzanin ruhtinazkundan palaks. Vspäi 1301 lidn alištub Moskvan tobmudele. Moskvan ruhtinazkundan kahtenz' lidn znamoičendan mödhe 15. voz'sadal. Varmed kivine Kreml' om saudud puižen sijas vll 1525−1531. «Moskv — Räzan'»-raudte läbiti lidnad i radaškanzi vl 1862, saudihe puruvedimiden tegint Kolomnas jäl'ghižel vodel.

Kolomn šingotase mašinansauvomižel (lämuzvedimed i dizel'likutimed, tömašinad, maižanduztehnik), sauvondmaterialiden pästandal (cement, raudbetontegesed, sauvondmujud), sömtegimištol, turizmal, mugažo omblendfabrik i mebel'edheotand ratas lidnas.

Geografijan andmused

Lidnan sijaduz ümbrikos i agjas (vn 2010 röunad)

Lidn sijadase lidnümbrikon keskuzpalas, Moskv-jogen lanktendan Okanjogehe huralpäi randoil, 125 m ü.m.t. keskmäižel korktusel.

Matkad Moskvhasai om sada kilometrad lodeheze avtotel vai 117 km raudtel. Lähembaižed lidnad oma Luhovici suvipäivnouzmha i Voskresensk pohjoižhe.

Kolomn-raudtestancii om avaitud lidnas. Jogiport radab Okan randal.

Eläjad

Vn 2010 Venäman rahvahanlugemižen mödhe lidnan eläjiden lugu oli 144 589 ristutud, oti nell' videndest lidnümbrikon ristitištos, vn 2021 — 134 850 ristitud. Kaik 144 125 eläjad oli lidnas vl 2017. Kaikiš suremb lidnan ristitišt oli 161..164 tuhad eläjid vll 1989−1994 (164 tuh. rist. vll 1991−1992).

Rahvahad (2010): venälaižed — 95,0 %, ukrainalaižed — 1,4 %, toižed rahvahad — 3,6 %.

Ortodoksižen hristanuskondan 44 pühäpertid^[1] oma kaičenus i saudud lidnas, niiden kesken Jumalannägundan Vanh Golutvinan (alusenpanend 1374, jogiden ühthejoksmusenno), Uz' Golutvinan Stroican (1799, Kremliš) i Brusenskii Emäganpäivän jumalankodid (1552, Kremlin territorijal) oma avaitud.

Professionaližen opendusen aluzkundad oma Kolomnan kolledž^[2] i Kolomnan maižanduzkolledž^[3].

Galerei

Kolomnan Kremlin seinän kaičenus pala (2006)
Uden Golutvinan Pühän Stroican jumalankodi Kolomnan Kremliš, vn 2010 nägu
Sedrus-kompanijan sauvondsegoitusiden tegim vl 2014
Sijaližen muzejan päsauvuz (2009)
Kolomn-raudteplatform vl 2010

Homaičendad

↑ Kolomnan pühäpertid sobory.ru-saital. (ven.)
↑ Kolomnan kolledžan sait (college-kolomna.ru). (ven.)
↑ Kolomnan maižanduzkolledžan sait (agrokol-kolomna.ru). (ven.)

Irdkosketused

Lidnümbrikon tobmuden sait (kolomnagrad.ru). (ven.)

Kolomn Vikiaitas

	Moskvan agjan lidnad
	Aprelevk \| Balaših \| Beloozörskii \| Bronnici \| Čehov \| Černogolovk \| Dedovsk \| Dmitrov \| Dolgoprudnii \| Domodedovo \| Drezn \| Dzeržinskii \| Dubn \| Elektrogorsk \| Elektrostal' \| Elektrougli \| Fräzino \| Golicino \| Himki \| Hot'kovo \| Istr \| Ivantejevk \| Jahrom \| Jegor'jevsk \| Kašir \| Klin \| Kolomn \| Korolöv \| Kotel'niki \| Krasnoarmeisk \| Krasnogorsk \| Krasnozavodsk \| Krasnoznamensk \| Kubink \| Kurovskoje \| Likino-Dulövo \| Litkarino \| Lobn' \| Losino-Petrovskii \| Luhovici \| Lüberci \| Mitišči \| Možaisk \| Naro-Fominsk \| Noginsk \| Odincovo \| Orehovo-Zujevo \| Ozöri \| Pavlovskii Posad \| Peresvet \| Podol'sk \| Protvino \| Puščino \| Puškino \| Ramenskoje \| Reutov \| Rošal' \| Ruz \| Sergijev Posad \| Serpuhov \| Solnečnogorsk \| Stupino \| Šatur \| Ščolkovo \| Zaraisk \| Zvenigorod \| Žukovskii \| Taldom \| Vanh Kupavn \| Verei \| Vidnoje \| Visokovsk \| Volokolamsk \| Voskresensk

[1] Kolomnan pühäpertid sobory.ru-saital. (ven.)

[2] Kolomnan kolledžan sait (college-kolomna.ru). (ven.)

[3] Kolomnan maižanduzkolledžan sait (agrokol-kolomna.ru). (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2024)	132,247 ristitud
Pind	65,1 km²

Telefonkod	+7−4966-xx-xx-xx
Avtokod	50, 90, 150, 190, 750
Aigvö	UTC+3 (MSK+0)