Merenrandaine rajon (Piter)

Merenrandaine rajon (ven.: Приморский район) om rajon Piteriš, sijadase lidnan pohjoižes palas. Nece om Piterin kaikiš suremb rajon ristitišton mödhe.

Merenrandaine rajon Piterin kartal

Istorii

Rajonan aluz om pandud vl 1936. Nimitihe sidä Ždanovan rajonaks vll 1949−1989.

Geografijan andmused

Rajonan pind om 109,87 km².

Röunatab nenidenke lidnan rajonidenke:

• Kurortan rajon levigandeb lodehes,
• Viipurin rajon om pohjoižes i päivnouzmas,
• Petrogradan rajon om suvipäivnouzmas,
• Kronštadtan rajon sijadase päivlaskmas.

Suomen lahten randišt om suves i päivlaskmas. Puištod ottas rajonan nelländest. Koumen jonon viž metrostancijad ratas rajonan territorijal.

Merenrandaine rajon jagase seičemeks municipaližeks ümbrikoks (ende nomerad 64..70): Lahta-Ol'gino, nomer 65, Lanskoje, Komendatskii aerodrom, Pit'kjärv (ven.: Озеро Долгое), Juntolovo, Kolomägi; mugažo Reboinnena-žilo mülüb rajonha.

Eläjad

Vn 2010 Venäman rahvahanlugemižen mödhe eläjiden lugu oli 507 238 ristitud. Kaik 692 753 ristitud elihe rajonas vl 2021. Kaikiš suremb ristitišt om nügüd'.

Rajonan administracijan pämez' om Aleksei Nikonorov vn 2021 sügüz'kuspäi. Edeline rajonan administracijan pämez' om Nikolai Ced (sulaku 2013 — sügüz'ku 2021).

Galerei

• 
  Rajonan tobmuden sauvuz ümbrikos nomer 65 (2011)
• 
  Pühän Jumalanmaman Blagoveššenjan jumalanpert', vn 2010 nägu
• 
  «Lahta»-keskuz vl 2021
• 
  Sodameriakademii A.N. Krilovan nimed (2009)
• 
  Piterin Federaline specializiruidud perinataline keskuz vl 2015

Irdkosketused

• Merenrandaižen rajonan administracijan sait (rprim.spb.ru). (ven.)
• Merenrandaižen rajonan lehtpoled Piterin tobmuden portalal (gov.spb.ru). (ven.) (angl.)
• Merenrandaižen rajonan uzištused (primorsknews.ru). (ven.)