Port Vil

Port Vil
Port Vila (bislama i angl.)
Port-Vila (fr.)
Lidnanznam;	Flag;
Valdkund	Vanuatu
Eläjiden lugu (2020)	49,034 ristitud
Pind	23,6 km²
Pämez'	Erik Pujo Festa; (2018—,; Erick Puyo Festa)
Telefonkod	+678-
Aigvö	UTC+11

Port Vil (bislama i angl.: Port Vila, franc.: Port-Vila), vai muite Vil (bislama-virkand [viˈla], anglijan [ˈviːlə]) om Vanuatun pälidn da kaikiš suremb lidn. Se om Šef-agjan administrativižeks keskuseks mugažo.

Istorii

Amuižed eländpunktad oliba olmas lidnan territorijal 13. voz'sadaspäi EME löutud keramikan mödhe. Vll 1825−1906 lidnan oficialine nimituz oli Fransvil' , sid' vhesai 1980 — Vil (angl.: Vila). Vspäi 1906 Vil oli kolonijan pälidnaks. Om ripmatoman valdkundan pälidnaks vspäi 1980.

Toižen mail'man sodan aigan AÜV:oiden i Avstralijan il'mbaz radoi lendimportas. Merivaldmad oma saudud vl 1972. Vn 2002 vulikul sijaline manrehkaiduz mureni lidnad lujas.

Port Vil šingotase valdkundan openduzkeskuseks, torgundmeriportal, sömtegimištol (lihan i kalan ümbriradmine), turizmal (50 tuh. rist. vl 1997).

Geografijan andmused

Lidn sijadase valdkundan keskuzpalan suves, Vil-lahten randal, Efate-saren suvipäivlaskmaižel randištol, 59 m ü.m.t. keskmäižel korktusel.

Klimat om tropižiden vihmmecoiden. Voden keskmäine lämuz om +24,3 C°, kuidme +22..+26,5 C°. Ekstremumad oma +8,5 C° (heinku) i +35,6 C° (tal'vku). Paneb sadegid 2339 mm vodes, enamba vilukus-keväz'kus (274..321 mm kus), vähemba heinkus-sügüz'kus (87..94 mm kus). Keskmäine relätivine nepsuz vajehtase 80..87 % röunoiš voden aigan.

Port Vil jagase nelläks valičemižümbrikoks (angl.: ward).

Eläjad

Vl 2009 lidnan eläjiden lugu oli 44 040 ristitud. Vn 2016 lopus pälidnan ristitišt oli 51 437 eläjad.

Eläjiden tobj pala om hristanuskojad i ni-vanuatulaižed.

Transport

Rahvahidenkeskeine civiline Bauerfild-lendimport^[1] (VLI / NVVV) om valdkundan päine, se sijadase lidnan pohjoižröunal. Tehtas reisid Valdmerimaiden lähižihe pälidnoihe, Avstralijan järedoihe lidnoihe (Brisben, Mel'burn), Oklendha, mugažo Vanuatun saridme.

Sebruzlidnad

Vanuatu Lüganvil', Vanuatu
Kitai Šanhai, Kitai (vspäi 1994)

Homaičendad

↑ Rahvahidenkeskeižen Bauerfild-lendimportan sait (vli.vu). (angl.)

Irdkosketused

Port Vilan municipalitetan sait (pvmc.gov.vu). (angl.)

Port Vil Vikiaitas

	Valdmerimaiden pälidnad
	Apia \| Funafuti \| Honiar \| Kanber \| Madžuro \| Ngerulmud \| Nukualof \| Palikir \| Port Morsbi \| Port Vil \| Suv \| Suvitarav \| Vellington

[1] Rahvahidenkeskeižen Bauerfild-lendimportan sait (vli.vu). (angl.)

[1]

Lidnanznam	Flag
Valdkund	Vanuatu
Eläjiden lugu (2020)	49,034 ristitud
Pind	23,6 km²

Pämez'	Erik Pujo Festa (2018—, Erick Puyo Festa)
Telefonkod	+678-
Aigvö	UTC+11