Šeki

Šeki (azerb.: Şəki) om lidn Azerbaidžanan pohjoižes. Se om Šekin rajonan administrativine keskuz i üks'jäine lidn.

Šeki
Şəki

Lidnanznam
Valdkund	Azerbaidžan
Eläjiden lugu (2020)	68,400 ristitud
Pind	9 km²
Telefonkod	+994-(0)2424
Aigvö	UTC+4

Istorii

Eländpunktan aluz om pandud 8. voz'sadal EME kuti Sakasen (Sake), möhemba Šeki. Se oli torguindan znamasižeks keskuseks Šuuktenno. Vll 1743−1819 oli Šekin hankundan pälidnaks, sid' mülüi Venäman imperijha. Vl 1772 Kiš-jogen luja sur'vezi mureni lidnad, i eläjad sirdihe lähižhe Nuh-žilho (Nuha), se šingotihe lidnaks teravas. Vspäi 1968 lidn nimitase nügüdläižikš. Lidnan istorine pala mülüb Mail:'man jäl'gusen nimikirjuteshe vspäi 2019.

Šeki šingotase šuukkanghiden fabrikal, savičun tegimel, sömtegimištol (lihakombinat, maidtegim, konservtegim, vintegim, tabakan tegim), turizmal. Lidn om ümbärtud maižanduzrajonal, sen produkcii om tabak, vinmarj, kabjživatišt, pähkmed, villäd, maid.

Geografijan andmused

Lidn sijadase Suren Kavkazan ezimägištol, 500..850 m korktusil, 545 m ü.m.t. keskmäižel korktusel. Om ümbärtud mägimecoil kaičemhas toštmižsur'vezišpäi i lujas räkäs säspäi. Rengazavtote om saudud lidnas ümbri.

Voden keskmäine lämuz om +12 C°, kezakun-elokun +20..+25 C°.

Eläjad

Vl 2012 lidnan eläjiden lugu oli 63 700 ristitud, rajonan läz koumandest. Kaikiš suremb ristitišt om nügüd'.

Vl 1979 eläjiden 92 % oliba azerbaidžanlaižed. Eläjiden tobj pala om islamanuskojad (sunnitad i šijitad).

Irdkosketused

• Lidnan oficialine sait (sheki-ih.gov.az). (azerb.)