Ajud

Ajud (rom.: Aiud [aˈjud], mad'j.: Nagyenyed [ˈnɒɟɛɲɛd], saks.: Straßburg am Mieresch) om Romanijan lidn valdkundan keskuzpalan lodehes. Mülüb Alban ümbrikho, sen kahtenz' lidn eläjiden lugun mödhe.

Ajud
Aiud

Lidnanznam
Valdkund	Romanii
Eläjiden lugu (2016)	26,296 ristitud
Pind	142,52 km²
Telefonkod	+40-(0)258
Aigvö	tal'vel UTC+2, kezal UTC+3

Istorii

Rimalaine Brukl-eländpunkt (latin.: Brucla) oli olmas lidnan territorijal. Nügüdläine eländpunkt mainitase vspäi 1293 kuti saksan lidn. Lidnuz-jumalanpert' om saudud 13. voz'sadal, lidnusen seinäd — 16.-17. voz'sadoil. Lidnan da jogen nimi libub ph. Egidijan latinižes nimespäi (Aegidius), saudihe ezmäšt jumalanpertid hänen oiktastuseks.

Ajud šingotase turizman keskuseks: lidnan kul'turan sauvused, agroturizm, kalatez da mectuz ezilidnan kukhikahiš tahondoiš vodes läbi.

Geografijan andmused

Lidn sijadase Ajud-jogen randal (Dunain hurapol'ne bassein), 260 m ü.m.t. keskmäižel korktusel. «Buharest — Budapešt»-avtotekeskust läbitab lidnad.

Kaik 4 žilod i 6 küläd mülüdas lidnmunicipalitetha Ajudan ližaks.

Eläjad

Vn 2011 Romanijan rahvahanlugemižen mödhe lidnan eläjiden lugu oli 22 495 ristitud. Kaikiš suremb lidnan ristitišt oli 31 894 eläjad vl 1992. Professionaližen opendusen nell' aluzkundad ratas lidnas, kaik om läz 2,5 tuhad openikoid niiš.

Rahvahad (lidnan eläjad, ozutadud rahvahudenke — 93% vl 2011): romanijalaižed — 79,7%, mad'jaralaižed — 15,8%, čiganalaižed — 4,4%, saksalaižed — 0,1%.

Sebruzlidnad

• Venäma Čerepovec, Vologdan agj, Venälaine Federacii (semendku 2002)

Irdkosketused

• Lidnmunicipalitetan oficialine sait (aiud.ro). (rom.)