Bisau

Bisau
Bissau
Lidnanznam;	Flag;
Valdkund	Gvinei-Bisau
Eläjiden lugu (2015)	492,004 ristitud
Pind	118 km²
Pämez'	Luis Sil'va de Melo; (2018—,; Luís Silva de Melo)
Telefonkod	+245
Aigvö	UTC+0

Bisau (port.: Bissau [biˈsaw]) om Gvinei-Bisaun pälidn da kaikiš suremb lidn. Sadab valdkundan erigoittud regionad (Sector Autónomo de Bissau).

Istorii

Eländpunktan aluz om pandud portugalijalaižil vl 1687 kuti orjantorguindan keskuz kožujan merikaran randal. Vspäi 1973 om ripmatoman valdkundan pälidnaks.

Valdkundan tegimišton enamba pol't om keskitadud neciš lidnas. Bisau šingotase mugažo maižandusen produkcijan i pumaterialiden vendan meriportan kal't.

Geografijan andmused

Lidnan-regionan sijaduz valdkundas (2011)

Lidn sijadase Geb-jogen (port.: Rio Geba 255 km pitte) estuarijan oiktal randal i Atlantižen valdmeren randištol, 39 m ü.m.t. keskmäižel korktusel. Laht om sauptud merisaril.

Klimat om tropižen savannan kaks'sezonine, päivoikaz päiči vihmsezonas. Kun keskmäine lämuz om +24,4..+27,5 C° vodes läbi. Ekstremumad oma +12,2 C° (viluku) i +41,1 C° (sulaku). Paneb sadegid 2022 mm vodes, enamba heinkus-sügüz'kus (435..682 mm kus), kuiv sezon oleskeleb tal'vkus-semendkus (22 mm kaikes pordos).

Eläjad

Vn 2009 Gvinei-Bisaun rahvahanlugemižen mödhe lidnan eläjiden lugu oli 384 960 ristitud. Kaik 492 004 eläjad oli lidnas vl 2015.

Religijan mödhe vl 2009 40,2 % eläjid oliba hristanuskojad, 34,2 % islamanuskojad, 7,9 % animizman polenpidajad, 3,3 % ateistad i 14,4% ei antkoi vastust^[1].

Sebruzlidnad

Homaičendad

↑ Sociokul'turižed pirdad vn 2009 valdkundan rahvahanlugemižen mödhe. — Valdkundaližen statistikan institut (stat-guinebissau.com), Bisau, 2009. — 92 lpp. — Lp. 29. (port.)

Irdkosketused

Lidnan ohjastusen oficialine sait (cmbissau.com). (port.)

Bisau Vikiaitas

	Afrikan pälidnad
	Abudž \| Addis-Abeb \| Akkr \| Alžir-lidn \| Antananarivu \| Asmar \| Bamako \| Bangi \| Banžul \| Bisau \| Brazzavil' \| Dakar \| Dodom \| Džibuti-lidn \| Džub \| Fritaun \| Gaborone \| Giteg \| Harare \| Hartum \| Jamusukro \| Jaunde \| Kair \| Kampal \| Kigali \| Kinšas \| Konakri \| Librevil' \| Lilongve \| Lome \| Luand \| Lusak \| Malabo \| Maputu \| Maseru \| Mbabane \| Mogadišo \| Monrovii \| Moroni \| Nairobi \| Ndžamen \| Niamei \| Nuakšot \| Port Lui \| Porto Novo \| Prai \| Pretorii \| Rabat \| San Tome \| Tripoli \| Tunis-lidn \| Uagadugu \| Viktorii \| Vindhuk

[1] Sociokul'turižed pirdad vn 2009 valdkundan rahvahanlugemižen mödhe. — Valdkundaližen statistikan institut (stat-guinebissau.com), Bisau, 2009. — 92 lpp. — Lp. 29. (port.)

[1]

Lidnanznam	Flag
Valdkund	Gvinei-Bisau
Eläjiden lugu (2015)	492,004 ristitud
Pind	118 km²

Pämez'	Luis Sil'va de Melo (2018—, Luís Silva de Melo)
Telefonkod	+245
Aigvö	UTC+0