Hörmhein

Änikoičijan hörmheinän ühthine nägu

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Magnoliopsida)
Kund:	Mirtänikoižed (Myrtales)
Sugukund:	Enoterižed (Onagraceae)
Heim:	Hörmhein (heim) (Chamaenerion)
Erik:	Hörmhein

Latinankel'ne nimi

Chamaenérion angustifolium (L.) Scop., 1771

Sistematik
Vikierikoiš

Kuvad
Vikiaitas

ITIS 510756

NCBI 13055

Hörmhein (latin.: Chamaenerion angustifolium, levitadud sinonimad oma Chamerion angustifolium i Epilóbium angustifolium) om äivozne heinäsine kazmuz. Erik om heimon tipine, mülüb Enoterižed-sugukundha.

Leviganduz

Kazvab Pohjoižen mapoliškon kavag'mecoiden zonas. Navedib letemad harvas mecas. Kazvab palatišil ezmäižeks babarmonke paksus, mugažo pilitišil i mecanröunal, pidust' raudtepudotesid da rovid, pöudoidenno, vedenno, torhen polhe mahusil. Kadob penzhiden i puiden šingotesen jäl'ghe.

Ümbrikirjutand

Hörmhein oleleb 0,5..2 metrad kortte, sädab žomid. Jurišt om sanged ujelii, sätab urboid i uzid seikhid teravas (vegetativine äikerdoičend).

Änikoičeb kezan kahtendel polel. Plodud ehttäs elokus-sügüz'kus.

Kävutand

Ottas kävutamižhe hörmheinäd zelläks. Ištutadas dekorativižeks kazmuseks, hüvä medenkandai. Kuivatas lehtesid da jodas čajun vajehtimeks. Slokosttäs jurid. Ottas seikhid lehtesidenke živatoile sötkeks.

Alaerikod

Hörmheinän kaks' alaerikod om olmas:

Chamaenerion angustifolium subsp. angustifolium
Chamaenerion angustifolium subsp. circumvagum

Homaičendad

Hörmhein Vikiaitas