Kund (lidn)

Kund (estin kelel: Kunda) om lidn da meriport Estinman pohjoižpäivnouzmas. Mülüb Lääne-Virun makundha.

Kund
Kunda

Lidnanznam	Flag
Valdkund	Estinma
Eläjiden lugu (2018-01-01)	3,034 ristitud
Pind	9,85 km²
Pämez'	Kaido Veski (kül'mku 2015—)
Telefonkod	+372-xxxx-xxx
Aigvö	tal'vel UTC+2, kezal UTC+3

Sil sanal voib olda toižid znamoičendoid; miše nähta niid, tulgat tänna.

Vn 2012 lidnan kart.

Istorii

Eländpunkt om tetab 13. voz'sadaspäi. Toolse-sauvondjändused sijadasoiš mererandal läz nügüdläšt lidnad. Žilo šingotaškanzihe 19. voz'sadan lopus (järed cementantegim da ezmäine tegimištoline gidroelektrostancii Estinmas), se sai lidnan statusad vl 1938.

Kund-lidnan ižandusen päsarakod oma sauvondmaterialoiden pästand (cement) da transport (torguindmeriport), mugažo cellülozantegim om olmas vspäi 2006.

Geografijan andmused

Lidn seižub Kund-jogen randoil i Baltijan meren Suomen lahten suvirandal (Kundan laht). Matkad makundan Rakvere-keskushesai om 35 km suvhe-suvipäivlaskmha orhal, avtotel vai raudtedme, Tallidnhasai om läz 100 km päivlaskmha orhal. Ühtennimine raudtestancii om saudud lidnan suves, se om lopuline «Rakvere — Kund»-linijal.

Eläjad

Vn 2011 EÜ:n rahvahanlugemižen mödhe lidnan eläjiden lugu oli 3 422 ristitud. Kaikiš suremb ristitišt oli 5 226 eläjad vl 1970.

Rahvahad (vl 2000): estilaižed — 58,5%, venälaižed — 32,8%, toižed rahvahad — 8,7%.

Galerei

• 
  Lidnan jumalanpert' vl 2007
• 
  Uz' cementantegim vl 2007
• 
  «Estonian Cell»-cellülozantegim
• 
  Meriport

Irdkosketused

• Kund-lidnan da Viru-Nigulan volostin oficialine sait (viru-nigula.ee). (est.)
• Verkkamer Kundan meriportan päl, täuz' nägu estonia360.ee-saital.