Lelidorp

Lelidorp (alam.: Lelydorp, sranan-tongo: Kofi-djompo «Kofin hüpke») om Surinaman kahtenz' lidn eläjiden lugun mödhe, Paramaribo-pälidnan suvipäivlaskmaine ezilidn. Se om Vanik-ümbrikon administrativine keskuz.

Lelidorp
Lelydorp

Valdkund	Surinam
Eläjiden lugu (2012)	18,663 ristitud
Pind	149 km²
Telefonkod	+597-
Aigvö	UTC−3

Lelidorpan sijaduz ümbrikos

Istorii

Eländpunktan eziauguine nimituz oli Kofi Djompo (mugažo alaman kelel) orjiden pagenuden Kofi-lideran mödhe. Se nimituz om kaičenus sijaližes levitadud sranan-tongo-keles. Raudte läbiti läz okaidud küläd, i vl 1905 udesnimitihe sidä nügüdläižikš oficialižeks alamalaižen Kornelis Leli-arhitektoran oiktastuseks, hän radoi Surinaman gubernatoraks i oli äjiden suriden Alamaiden sauvondprojektoiden sädajaks.

Lelidorp šingotase torguindal, ümbrikon aluzkundoil (läžundkodi, školad), valdkundan türmal (alam.: Santo Boma). Lidn om jäl'gmäine znamasine eländpunkt matknikoiden täht valdkundan südäirajonihe.

Geografijan andmused

Lidn sijadase valdkundan pohjoižes, ümbrikon suvipäivlaskmas, tel pälidnaspäi sen rahvahidenkeskeižennoks lendimportannoks, ühesa metrad ü.m.t. keskmäižel korktusel. Matkad Paramaribo-pälidnhasai om 18 km pohjoižhe.

Eläjad

Vl 2004 lidnan eläjiden lugu oli 15 576 ristitud, ümbrikon kahesandez.

Vll 1890−1939 äi paukradnikoid sirdiba lidnan ümbrištho indonezižes Jav-sarespäi, erased irdad nimitasoiš indonezijaks tähäsai. Om kreoloid, eläjid indižen i evropižen augotižlibundanke.

Kariban konferenciikeskuz (Bhai-runokirjutai pani sen alust), Matoeko-tervehtamižopenduzkeskuz i lipkaižiden puišt gavediden muzejanke ratas lidnas.