Madeh

Valdkund:	Živatad
Tip:	Sel'gjäntkeižed (Chordata)
Klass:	Pal'csuugaižed kalad (Actinopterygii)
Heimkund:	Tröskanvuiččed (Gadiformes)
Sugukund:	Tröskižed (Gadidae)
Heim:	Madehed (Lota Oken, 1817)
Erik:	Madeh

Latinankel'ne nimi

Lota lota (Linnaeus, 1758)

Areal

Madehen palahine areal (Evrop)

Sistematik
Vikierikoiš

Kuvad
Vikiaitas

ITIS 164725

NCBI 69944

Madeh (latin.: Lota lota) om levitadud reskveden kala, Madehed-heimon üks'jäine erik. Mülütadas Tröskižed-sugukundha. Pen' madeh nimitase kužar:eks.

Ümbrikirjutand

Hibj om pit'kahk i eile korged, pä om lapakohk. Üks' habin löugas i kaks' habinod sun päl. Hibjan muju vauvhatab igän mändes, muzabur vai mustahk-hahk. Om surid vauvhid läipoid kül'gil i paratomil suugil. Pök i suugad oma vauvhad. Somuz om hen cikloidine.

Täuz'kaznu hibj sase 120 santimetrhasai. Madehen sibirižed eričud kazdas 18 kilogrammhasai.

Kala om aktivižemb vilus vedes. Kudob tal'vkus-uhokus.

Söte

Sötlese sel'grodatomil i henol kalal. Vanhembad kalad södas mugažo löcuid, jogirakoid, mollüskid. Madeh voib söda kolijoid živatoid.

Alaerikod

Erasid tedoidajad erištadas nenid alaerikoid:

Lota lota lota (Linnaeus, 1758) — järgeline madeh, eläb Evrazijas;
Lota lota leptura (Hubbs et Schultz, 1941) — madeh hoikanke händanke, areal om Sibirin päivnouzm, Pohjoižamerik Makkenzi-jogehesai;
Lota lota maculosa (Lesueur, 1817) — Pohjoižamerikan alaerik.

Madeheze sidodud vepsän tärtused

Madehempä — ristit surenke pänke.
Perze kut madehel — murendelijan ristitun polhe.

Homaičendad

Madeh Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.