Miizakülä

Miizakülä (est.: Mõisaküla «külä usadibanno», latv.: Meizakila «Muižciems») om Estinman lidn valdkundan suvipäivlaskmas, Latvijan röunanno. Mülüb Vil'jandin makundha, sen kaikiš penemb lidn kudespäi eläjiden lugun mödhe. Om Mul'gi-volostin palaks vn 2017 redukuspäi, sen kaikiš penemb lidn koumespäi. Edel 2019. vot se oli Estinman kaikiš penembaks lidnaks.

Miizakülä
Mõisaküla

Lidnanznam	Flag
Valdkund	Estinma
Eläjiden lugu (2021)	756 ristitud
Pind	2,21 km²
Telefonkod	+372-
Aigvö	tal'vel UTC+2, kezal UTC+3

Lidnan kart (2012)

Istorii

Eländpunkt sündui 19. voz'sadan lopus kaidraižuižen «Pärnu — Valg»-raudten sauvondanke i sen sarakon Vil'jandinnoks. Sol'mstancijan eziauguine nimi oli Laatre. Vll 1899−1900 saudihe tegint senno raudterividen kohendusen täht i udesnimitihe stancijad Miizakülä:ks. Vn 1938 1. semendkud Miizakülä sai lidnan statusad. 1970-nzil vozil likund molembidme kaidraižuižidme raudteidme oli sauptud. Ekskavatortegim radoi nevondkundaližel aigal i vhesai 2010 istorižen raudten tegimen bazal.

Lidn om olmas erigoittud municipaližeta statusata vspäi 2017. Šingotase valdkundaližen büdžetan aluzkundoil, mašinansauvomižen edheotandal (24 radnikad vl 2020, pästab rippujad mašiništod traktoran täht).

Geografijan andmused

Lidn sijadase makundan suvipäivlaskmas, 55 m ü.m.t. keskmäižel korktusel. Matkad makundan Vil'jandi-keskushesai om 49 km pohjoižpäivnouzmha avtotedme. Lähembaine lidn om volostin Abja-Paluoja-keskuz 11 km päivnouzmha orhal vai 12 km avtotel.

Kaik om 32 irdad lidnas.

Eläjad

Vl 1989 eläjiden lugu oli 1 349 ristitud, vodele 2011 lidnan ristitišt poleni i oli 880 eläjad. Kaikiš suremb ristitišt oli 2 421 eläjad vl 1938. Vn 2020 augotišes kaik 775 ristitud elihe lidnas, volostin kümnendez.

Rahvahad (2011): estilaižed — 90,9 %, venänikad — 5,1 %, toižed rahvahad — 4,0 %.

Valdkundaližen büdžetan aluzkundad: aluzškol (38 openikad 2018.−2019. openduzvodes), holituzkodi i päivkeskuz rauhiden mehiden täht, kul'turkeskuz.

Ervin Tamberg radoi lidnan jäl'gmäižen pämehen vspäi 2005.

Galerei

• 
  Lidnan enččen municipalitetan tobmuden pert' (2012)
• 
  Pühän Vaimun jumalanpert', vn 2012 nägu (Estinman apostoline ortodoksine jumalankodikund)
• 
  Istorine raudten tegim vl 2013
• 
  Lidnan muzejas (2011)
• 
  Miizakülä-päraudtestancijan sauvuz vl 2013

Irdkosketused

• Mul'gi-volostin sait (mulgivald.ee). (est.)
• Lidnan edeližen tobmuden sait (moisakyla.ee, jäb vajehtusita vspäi 2018). (est.)