Nuadibu

Nuadibu (arab.: نواذيبو‎ Nauadhibu‎, franc.: Nouadhibou) om lidn da meriport Mavritanijan päivlaskmas. Se om valdkundan koumanz' lidn eläjiden lugun mödhe, Dahlet Nuadibu-agjan da sen üks'jäižen departamentan administrativine keskuz.

Nuadibu
نواذيبو‎
(Nauadhibu‎)

Valdkund	Mavritanii
Eläjiden lugu (2013)	118,167 ristitud
Pämez'	Elghassem Ould Bellali (reduku 2018—)
Telefonkod	+222-
Aigvö	UTC+0

Lidnan sijaduz pol'sarel

Istorii

Vll 1907−1960 lidnan nimituz oli Port-Etjen (franc.: Port-Étienne).

Nuadibu šingotase merikalanpüdandal, meriportal (tegimištoline vspäi 1963) i raudkivendon küllästamižel. Raudte ühtenzoitab Fderik- i Zuerat-lidnoidenke kontinentan südäimes (raudkivendon i eläjiden tond).

Geografijan andmused

Lidn sijadase Atlantižen valdmeren randal, Kap-Blan-nemen (vai Ras-Nuadibu, 65 km pitte) päivnouzmaižes, 0..1 m ü.m.t. keskmäižel korktusel. Röunatab Päivlaskmaine Sahar-territorijanke. Matkad Nuakšot-pälidnhasai om 450 km suvhe avtotedme.

Klimat om tropine räk kuiv letetazangišton. Kun keskmäine lämuz vajehtase +19..+24 C° röunoiš vodes läbi. Ekstremumad oma +4 C° i +41 C°. Paneb sadegid 23 mm vodes, niiden naceinuz om kaikiš suremb sügüz'kus (5 mm kus).

Eläjad

Vl 2000 lidnan eläjiden lugu oli 72 337 ristitud. Läz 140 tuhad eläjid om ezilidnoidenke (2013).

Regionaline läžundkodi radab vspäi 2017.

Transport

Meriport radab lidnas.

Rahvahidenkeskeine civiline Nuadibu-lendimport (NDB / GQPP) sijadase koumes kilometras pohjoižpäivnouzmha lidnan keskusespäi. Tehtas severz'-se reisid vaiše: Kanaran sarihe (Ispanii), Kasablankha (Marok), Mavritanijan kahthe lendimportha (Nuakšot, Zuerat).