Port Lui

Port Lui (mavrik.: Porlwi [poːlwi], franc.: Port-Louis [pɔʁlwi], angl.: Port Louis) om Mavrikijan pälidn, kaikiš suremb lidn da port. Se om Port Luin ümbrikon administrativižeks keskuseks mugažo.

Port Lui
Porlwi (mavrik.)
Port-Louis (franc.)
Port Louis (angl.)

Lidnanznam	Flag
Valdkund	Mavrikii
Eläjiden lugu (2012)	149,194 ristitud
Pind	46,7 km²
Pämez'	Mahfuz Musa Kadersajib (2019—, Mahfooz Moussa Cadersaib)
Telefonkod	+230-
Aigvö	UTC+4

Istorii

Eländpunktan aluz om pandud kuti meriport Indižen valdmeren randal. Vspäi 1735 se oli Francijan kolonijan administrativine keskuz, nimitihe Lui XV-kunigahan oiktastuseks. Sai lidnan statusad oficialižeks vn 1966 25. päiväl elokud.

Port Lui šingotase meriportal, turizmal, finansižeks keskuseks, industrijal (tekstil', himikatad, plastiktegesed, zelläd), sömtegimištol (sahar, voi, kala, tabak).

Geografijan andmused

Lidn sijadase Mavrikii-saren lodehes, süvän kaitud merikaran randal. Laivad tuldas ujuden merikarha katkelmusen kal't korallrifas. Moka Port Lui-mägiden sel'gad ümbärtas lidnad kuivman polespäi.

Klimat om tropine mussonine pol'kuiv. Kun keskmäine lämuz vajehtase +23..+27 C° vodes läbi. Ekstremumad oma +10 C° i +35 C°. Paneb sadegid 711 mm vodes, kuiv sezon oleskeleb kezakus-kül'mkus (15..24 mm kus).

Eläjad

Vn 2012 Mavrikijan rahvahanlugemižen mödhe lidnan eläjiden lugu oli 149 194 ristitud.

Sebruzlidnad

• Indii Ahmedabad, Indii
• Katar Doh, Katar (vspäi 2007)
• Indii Džaipur, Indii

Irdkosketused

• Lidnan oficialine portal (mccpl.mu). (angl.)