Taraz

Taraz (kaz.: Тараз / Taraz, ven.: Тара́з) om lidn Kazahstanan suves. Se om valdkundan kudenz' lidn eläjiden lugun mödhe, Žambilan agjan administrativine keskuz.

Taraz
Тараз / Taraz

Lidnanznam
Valdkund	Kazahstan
Eläjiden lugu (2021)	362,965 ristitud
Pind	187,87 km²
Pämez'	Kairat Dosaev (sulaku 2019—)
Telefonkod	+7−7262
Aigvö	UTC+6

Istorii

Eländpunktan aluz om pandud ezmäižel voz'sadal EME. Mainitase vl 400 Grekanman purtkiš kuti Tolos-lidn (Tolisa) Surel Šuuktel. Lidnan nimituz oli Aulie-At (Aulie-Ata) vll 1856−1936, Džambul vll 1938−1993 i vhesai 1997 Žambil (kaz.: Жамбыл). Vl 1917 raudte tuli lidnha.

Taraz šingotase himižel tegimištol fosforan loudmižsijil, sömtegimištol, raudan ühthesuladusiden pästandal, sauvondmaterialiden da konstrukcijoiden tehmižel, kengiden fabrikal.

Geografijan andmused

Lidn sijadase agjan suvipäivlaskmas, Talas-jogen randal, Kirgizstanan röunanno, 610 m ü.m.t. keskmäižel korktusel. Om korktoid mägid ümbrištos.

Klimat om terav kontinentaline. Voden keskmäine lämuz om +11,2 C°, kezakun-elokun +23,4..+25,5 C°, tal'vkun-uhokun −1,3..−3,0 C°. Absolütine minimum oleskeli −40 C° (uhoku), maksimum +43,7 C° (heinku). Kezaaigan minimum om +3,0 C° (kezaku, eloku), tal'vaigan maksimum om +25,0 C° (uhoku). Ei voi panda halad kezakus-elokus. Paneb sadegid 344 mm vodes, enamba keväz'kus-semendkus (39..44 mm kus), vähemba heinkus-sügüz'kus (8..19 mm kus).

Eläjad

Vl 2014 lidnan eläjiden lugu oli 351 476 ristitud, vl 2018 — 356 069 ristitud. Kaikiš suremb lidnan ristitišt oli 356 983 eläjad vl 2015 i om nügüd'.

Transport

Avtobusad oma kundaližeks transportaks lidnas. Päraudtestancii i avtostancijad ratas siš.

Rahvahidenkeskeine soda- da civiline Aulie-At-lendimport (kaz.: «Әулие-Ата» халықаралық әуежайы, DMB / UADD / ДМБ, 55 tuh. passažiroid vl 2016) sijadase kümnes kilometras suvipäivlaskmha orhal lidnan keskusespäi. Tehtas reisid nenihe lidnoihe: Almati, Astan, Moskv.

Irdkosketused

• Lidnan oficialine sait (taraz.zhambyl.gov.kz). (kazah.) (ven.)