Giambologna
Giambologna, echte noame Jean de Boulogne, ook gekend ols Giovanni da Bologna, (Dowoai, 1529 – Firenze, 13 ogustus 1608), was e Vlams-Italioans maniëristischn beeldhouwer. Je domineerde de beeldhouwkunst van 't ende van de 16e en 't begun van de 17e eeuwe en vormde in feite den overgank tusschn Michelangelo en Gian Lorenzo Bernini. J’had e grôotn invloed ip d’ountwikkelienge van de Barok.
Giovanni da Bologna is geboorn in Dowoai in Frans-Vloandern. Je krêeg z’n ipleidienge van de Vlamschn beeldhouwer Jacques Dubroeucq.
Round 1554 vertrokt ‘n noar Italië en studeerde twi joar in Rome.
In Firenze, ip z’n weg were no Vloandern, wierd 'n ountdekt deur de kunstkenner Bernardo Vecchietti, die hem ounderhield vo zyn studies doa vôort te kunn loatn zettn.
Achter twi joar krêegt ‘n zyn êestn ipdracht van de Medicigrôothertoogn. Je blêef in Firenze in dienst van de Medici tout an z’n dôod.
Zyn werk
bewerknGiambologna makte veel beeldn vo fonteinn lik de Neptunus in Bologna (1567) en vo de Medicivilla’s en hoovn. Zyn Merkurius (Firenze, Museo nazionale del Bargello), woavan dan d’r verschillige uutvoeriengn bestoan, was ook bedoeld ols versierienge van e fontein.
- Gallerye
-
Roof van de Sabinn (Firenze, Loggia dei Lanzi) -
Hercules en de Centaur (Firenze, Loggia dei Lanzi) -
Neptunus (Piazza Nettuno in Bologna) -
Cosimo I de' Medici (Piazza della Signoria, Firenze)
|
Ofbeeldiengn die ier by passn ku je vien in de categorie Giambologna van Wikimedia Commons. |