Giraffe
| Giraffe | |||||||||||||
|---|---|---|---|---|---|---|---|---|---|---|---|---|---|
 Angolagiraffe (Giraffa giraffa angolensis) | |||||||||||||
| Taxonomische indêlienge | |||||||||||||
| |||||||||||||
| Geslacht | |||||||||||||
| Giraffa Brisson, 1762 | |||||||||||||
 Leefgebiëd |
De giraffe (Giraffa) is e geslacht van eevnhoevige zoogbêestn die in Afrika leevn. 't Zyn de grotste bestoande landbêestn en de grotste herkauwers ip eirde.
De belangrykste kenmerkn van de giraffe zyn de styf lange nekke en pôotn, hoornachtige uutsteeksels ip hunder kop (ossicoonn ) en 't vleknpatrôon ip hunder vacht. T'hope met de nauwste verwant, de veel klèindere okapi, vormt de giraffe de familie Giraffidae.
Girafn eetn bloarn, vruchtn en blomn van hoetachtige plantn, surtout acaciasôortn, moar ook van andere struukn en boomn. Deur hunder lange nekke kunn ze by bloarn, woar dan andere herbivoorn nie an kunn. Ze pakn de bloarn vaste met hunder lange, doenkere toenge.
't Verspreidiengsgebiëd van de giraffe is styf grôot. 't Strekt hem uut van Tsjad in 't nôordn toet Zuud-Afrika in 't zuudn, en van Niger in 't westn toet Somalië in 't ôostn. Girafn zyn te viendn in savannes en busryke gebiëdn.
Traditioneel wordn girafn geziën lik êen sôorte, Giraffa camelopardalis, mè neegn oendersôortn. DNA-oenderzoek gepubliceerd in 2016 levert e (vôorlopig) nieuwe indêlienge in vier sôortn:
- Nôordelike giraffe (giraffa camelopardalis), mè vier oendersôortn
- Kordofangiraffe (Giraffa camelopardalis antiquorum)
- Nubische giraffe (Giraffa camelopardalis camelopardalis)
- Rothschildgiraffe (Giraffa camelopardalis rothschildi)
- West-Afrikoansche giraffe (Giraffa camelopardalis peralta)
- Masaigiraffe (Giraffa tippelskirchi), omvat de vroeger apart erkende Thornicrofts giraffe (Giraffa camelopardalis thornicrofti)
- Somalische giraffe (Giraffa reticulata)
- Zudelike giraffe (Giraffa giraffa), mè twèe oendersôortn
- Angolagiraffe (Giraffa giraffa angolensis)
- Koapsche giraffe (Giraffa giraffa giraffa of Giraffa camelopardalis giraffa)
Uut 't fossielnbestand zyn der ook nog zeevn uutgestorvn sôortn girafn bekend.
|
Ofbeeldiengn die ier by passn ku je vien in de categorie Giraffa van Wikimedia Commons. |