Kopenhagen
 Kopenhagen
| |
|---|---|
| |
 Collage mè fotto 's van Kopenhagen | |
| Regio | Hovedstaden |
| Gemêente | Kopenhagen |
| Coördinoatn | 55°40′NB 12°34′OL |
| Ippervlak | 86,4 km² |
| Inweuners | 602.481 (2017) |
| [[Ofbeeldienge:{{{foto}}}|250px]] {{{byschrift}}} | |
Kopenhagen (Deens: København [købm̩ˈhɑwˀn]) is d' hoofdstad en grotste stad van Denemarkn mè 602.481 inweuners in de gemêente (2017).
Kopenhagen ligt an d' ôostkust van 't eiland Sjælland. E klêen dêel ligt ip 't eiland Amager. De stad ligt an de zêestroate de Sont (Øresund) en an den overkant ligt de Zweedsche stad Malmö. De Sontbrugge verbiendt de twêe steedn met e boane en een yzerweg.
Ôorsproenkelyk was Kopenhagen e visschersdorp van Vikings, gesticht in de 10ste êeuwe en 't kwam hoofdstad van Denemarkn in de vroege 15ste êeuwe. De mêeste monumentale pandn in Kopenhagen dateern uut de 17ste êeuwe. Buutnwykn van Kopenhagen zyn Østerbro ("Ôosterbrugge"), Vesterbro ("Westerbrugge") en Nørrebro ("Nôorderbrugge"). Vesterbro is bekend van 't amusementspark Tivoli, Østerbro is e deftige wyk woar da families mè joengers weunn en Nørrebro is e volkswyk mè klêene wienkels van vele nationaliteitn. De stad blêef groein en land ipslokkn. Doardeure wierd een andere stad, genoamd Frederiksberg, hêelegans omslootn deur zowel Nørrebro of Vesterbro. Azo is Frederiksberg eigntlyk een eilandstad binn de grenzn van Kopenhagen gekommn.
Beziensweirdigheedn
bewerkn- De Langelinie, een hoavepiere en promenade mè 't beeld van de Klêene Zêemarminne ip e rotse. 't Is g'inspireerd ip 't sprooksje van de Deensche schryver Hans Christian Andersen. Nie verre dervan stoat de fonteine van Gefion of Gefjun (1908), 't grotste monument in Kopenhagen.
- Amalienborg, de residensje van de keunienklyke familie.
- Christiansborg, paleis ip 't eiland Slotsholmen. In 't gebouw zyn 't Deens parlement, 't Deens Hooggerechtshof en de bureau van den Êerste minister gevestigd.
- Kongens Have (Keuniengshof of de Rosenborg Kastêelhoovn), oudste en mêest bezocht stadspark van Kopenhagen.
- Frederikskerke of de Marmern kerke, e luthers kerkgebouw.
- Tivoli, e weireldbekend pretpark.
- Strøget, de bekendste wienkelstroate.
- Nyhavn (Nieuwe hoave). Langst d' hoave en 't kanoal stoan huuzn uut de 17ste, 18ste êeuwe in felle, levendige kleurn, woaroender ook cafés en restaurangs. In êen van die huuzn è Hans Christian Andersen nog geweund.
-
Stadhuus van Kopenhagen -
Amalienborg en de Marmern kerke -
Kleurryke façades langst Nyhavn
|
Ofbeeldiengn die ier by passn ku je vien in de categorie Copenhagen van Wikimedia Commons. |
| {{{ofb_links}}} | Hoofdsteedn in Europa | {{{ofb_rechts}}} | {{{ofb_groot}}} |
|---|---|---|---|
|
Amsterdam • Andorra la Vella • Athene • Baku • Belgrado • Berlyn • Bern • Boedapest • Boekarest • Bratislava • Brussel • Chisinau • Dublin • Helsinki • Kiev • Kopenhagen • Lissabon • Londn • Ljubljana • Luxemburg • Madrid • Minsk • Monaco-Ville • Moskou • Nicosia • Parys • Podgorica • Praag • Pristina • Oslo • Reykjavik • Riga • Rome • San Marino • Sarajevo • Skopje • Sofia • Stockholm • Tallinn • Tbilisi • Tirana • Vaduz • Valletta • Vaticoanstad • Vilnius • Warschau • Weenn • Yerevan • Zagreb |