Middn-Ôostn
't Middn-Ôostn is e gebiêd da gedêeltelyk in West-Azië en gedêeltelyk in Nôordôost-Afrika ligt. Den term Middn-Ôostn kwam roend 1900 populair in 't Verênigd Keunienkryk.
't Middn-Ôostn èt e belangryke betêkenisse in de weireld vo verschillige redens:
- 't Ligt ip 't kruuspunt van drie continentn: Europa, Azië en Afrika.
- 't Is de wiege van de drie monotheïstische religies met under culturele oentwikkeliengn: 't joodndom, 't christndom en den islam.
- 't Middn-Ôostn èt in belangryke moate bygedreegn an andere beschoaviengn.
- 31% van d' olie van de weireld komt van 't Middn-Ôostn. 't Suezkanoal in Egypte is nog assan e belangryke scheepvoartroute.
- 't Middn-Ôostn is e gebiêd woar dan der styf vele conflictn zyn en wordn uutgevochtn.
Den dag van vandoage wordn de volgnde landn by 't Middn-Ôostn gerekend:
- Bahrein
- Cyprus
- Egypte
- Irak
- Iran
- Israël
- Jemen
- Jordanië
- Koeweit
- Libanon
- Oman
- Palestina
- Qatar
- Saoedi-Arabië
- Syrië
- Turkeye
- Verênigde Arabische Emiroatn
De belangrykste vuuf toaln die geklapt wordn in 't Middn-Ôostn zyn Arabisch, Perzisch, Turks, Berbers en Koerdisch.
|
Ofbeeldiengn die ier by passn ku je vien in de categorie Middle East van Wikimedia Commons. |